Para Hindi Nakawin ang Ballpen: Di ba’t may 2 parts ang pangkaraniwang ballpen: “bahay” ng ballpen at plastic tube na pinaglalagyan mismo ng ink. Ganito ang gawin para mas maliit ang tsansa na nakawin ang iyong ballpen sa school: Ang blue or black ink tube ay ilipat sa bahay ng red ballpen upang isipin ng makakakita na red ballpen yun. Ang red ballpen ay bihirang nakawin dahil walang gumagamit ng red ink sa kanilang notebook. Bawal gumamit ng red ink sa exam. Walang gustong pumirma gamit ang red ink.
Para Hindi Tumaba : Sa tuwing makakaramdam ng gutom, huwag munang kumain. Sa halip, uminom muna ng tubig dahil mas malaki ang tsansa na nauuhaw ka lang at hindi nagugutom.
Pruweba ng Sigurista: Kapag bagong lipat ka sa inuupahang bahay o kuwarto—kunan ng picture ang lahat ng makikitang sira sa first day pa lang ng iyong paglipat, tapos i-post agad sa araw din iyon sa Facebook. Magiging reference mo ang upload date para maging ebidensiya na dinatnan mo na ang mga sirang iyon.