Paano ba Maging Perfect?

Sa unang sermon ng Panginoong Hesus nang magkatawang tao Siya sa mundo ay itinuturo nito na maging “perfect” ang Kanyang mga tagasunod. Paano ba magiging perpekto kung napapalibutan tayo ng galit, kaaway, kahirapan, at iba pang kasalanan? Iba kasi ang standrard ng tao pagdating sa sinasabing “perfect”. Sa karamihan ang pagiging perfect ay pagiging banal at pagiging sobrang pagkarelihiyoso. Kapag nabasa ang salitang “perfect” na iniisip agad ng iba ay maging flawless o sinless ang buhay.

Ang pagiging perfect sa harap ng Dios ay pagsunod upang magkaroon ng maturity at patuloy na paglago sa buhay. Sa kabila ng maraming struggle sa laman at tawag ng tukso. Bilang tunay na sumampalataya na sa Dios ay dapat na magkaroon ng buong pusong pagsunod sa Kanya nang magkaroon ng paglago sa bagong kabanata ng buhay ngayong bagong taon.