Para hindi magkaroon ng Kanser

Walang paraan para maiwasan nang 100 percent ang  kanser pero may 5 tips para mapababa ang tsansa:

1-Marunong ka dapat pumaraan para mapatawa ang sarili sa panahon ng kalungkutan. Noon ay may biruan sa opisinang aking pinaglingkuran. May officemate kaming siya ang pinakamalakas tumawa sa kanyang sariling joke. Sabi ng mga kasamahan ko, siya ang magandang magtrabaho sa Saudi dahil marunong magpatawa sa sarili. Common knowledge noong 80’s at early 90’s na malungkot magtrabaho sa Saudi.

Sa totoo lang, ito rin ang magandang attitude para hindi sumobra ang stress na nadadama. Humihina ang immune system kapag laging nai-stress. At kapag mahina ang immune system, lumalaki ang panganib sa kanser.

2-Iwasang tubuan ng molds ang ilang bahagi ng inyong bahay sa pamamagitan ng paglilinis. Panatilihing tuyo ang mga lugar na madalas mabasa kagaya ng toilet at kusina. May ginawang pag-aaral na ang matagal at tuluy-tuloy na exposure sa mycotoxigenic molds ay magiging dahilan ng cancer. May mahabang paliwanag tungkol dito ang web site na ito: (http://enhs.umn.edu/current/5103/molds/harmful.html)

3-Laging mag-exercise. Galaw-galaw upang hindi mapaaga ang pagpanaw.

4-Maging mabait at mapagbigay sa kapwa.

5-Pagkuha ng vitamin D hindi mula sa tabletas kundi mula sa sinag ng araw. Base sa isang artikulo na lumabas sa www.philstar.com: “To provide the body its adequate vitamin D needs, doctors recommend a minimum of 15 minutes of sun exposure, provided it’s from 11 a.m. to 3 p.m., the best time to get the ideal amount of vitamin D from the sun’s rays.