Koneksiyon sa langit

Laging pinag-uusapan kung paano gugugulin ang buhay sa maghapon. Pero kahit anong mangyari ang bawat minuto at oras ay lumilipas na hindi namamalayan.

Sa halip, ay nagpipilit na baguhin ang sarili sa bawat araw sa pagharap sa  mga sangkatutak na responsibilidad. Umaandar pa rin ang kamay ng orasan, tanging ang Panginoon lang ang nakaaalam ng araw at oras kung kailan titigil ang buhay sa mundong ito. Imbes na sayangin ang oras sa walang kabuluhang bagay o pag-aalala ng pagkakamali at darating pa sa buhay, mahalagang ikonek ang sarili sa pananala­ngin sa langit  at ng hindi agad matibag ang kalooban sa haharapin sa maghapon. Maganda kung magiging habit ang pananalangin sa araw-araw. Maraming benepisyong makukuha sa prayers:

Direksyon – Hindi ka mangangamba sa mga kaguluhang nagaganap sa paligid.

Desisyon - Hindi ka magkakamali sa mahalagang desisyon na gagawin dahil sa gagabayan ka sa iyong panalangin.

Pag-aalala – Nakakaalis ng stress kapag isinambit sa panalangin ang lahat ng iyong alalahanin.

Kapayapaan – Nagbibigay ng katahimikan sa iyong puso at isipan.

Energy – Nagbibigay ito ng kalakasan na harapin ang maghapon sa kabila ng hamon sa trabaho at pamilya.

Pagkakataon – Nagbubukas ito ng maraming opportunities na hindi mo inaasahan.

Tulong – Malalaman mo kung ikaw ay busy o talagang ikaw ay lumalago sa iyong buhay.

Ang pagsambit ng panalangin ang dapat na priority sa buhay,  kaysa makibaka sa maraming gagawin sa maghapon. Ang simpleng panalangin ay magbibigay ng gabay at kapayapaan sa iyong goal na gagawin sa bawat araw.