Paano malalaman kung nagsisinungaling?

Hindi lang ang ilong ni Pinocchio ang humahaba para malaman kung nagsisinungaling ang isang tao.  Maraming tips ang mga experts na itinuturo para ma-detect  kung hindi nagsasabi ng totoo ang kausap mo:

Boses – Karaniwan nagbabago ang tono ng boses nito.  Sa una, natural lang kanyang tono hanggang sa bumibilis na ang kanyang pagsasalita; mula kalmado tapos nagi­ging masigla malamang hindi ito nagsasabi ng totoo. Sa sobrang kaba at nerbyos ay napapabilis din ang kanyang pagsasalita na hinahanapan niya ng sagot sa kanyang utak.

Ako – Sa research, iniiwasan ng taong nagsisinungaling banggitin ang salitang “ako” o “I and me”. Laging third person  ang tinutukoy niya at hindi isinasali ang kanyang sarili.

Memoryado – Kapag tinatanong mo naman,  may sagot at paliwanag sa lahat ng tinatanong mo sa kanya. Dahil na-rehears na niya ang sasabihin niya sa iyo.

Guilty – Hindi rin ito mapakali sa kanyang pagkakaupo o sa isang puwesto. Panay din ang punas ng kanyang eye glasses, basta nagkakalikot ng isang bagay. Ang isang taong guilty ay nakararanas ng anxiety kaya siya naglilikot ng kung anu-anong bagay sa katawan o sa mahahawakan niya.

Nanunumpa - Pinagpipilitan din ng tao na honest siya, kaya may pasumpa-sumpa pa ito at peksman para makumbinsing hindi siya nagsisinungaling.