Pamilya o Gf?

Dear Vanezza,

Dito po ako ngayon sa Maynila. May pamilya ako sa probinsiya mahal ko po ang pamilya ko. May gf po ako dito at mahal ko rin po siya. Ano po ang dapat ko gawin? Naguguluhan na po ako.

Sagot:

Sa kabila na mahal mo ang iyong pamilya ay nagawa mo pa rin silang pagtaksilan. Naiintindihan ko ang iyong kahinaan sa tukso lalo na’t malayo ka sa kanila. Subalit ang pagkakaroon ng ibang babae sa iyong buhay ay hindi makakatulong kundi magdudulot lamang ng mas mabigat na problema sa hinaharap. Kaya habang maaga pa, putulin mo na ang ugnayan mo sa kanya. Kung patatagalin mo pa, maaaring tuluyan ng mahulog ang iyong loob at mahirapan ka ng kumawala pa sa kanya. Kapag ganyan ang nangyari, malalagay sa peligro ang pagsasama ninyong mag-asawa pati na ang kinabukasan ng inyong mga anak. Imulat mo sana ang iyong isipan.

Sumasaiyo,

Vanezza