Mga dapat iwasan ng mga babae (1)

May mga bagay na dapat iniiwasang gawin ng mga kababaihan. Narito ang ilan:

Hindi malulusog na kaibigan – Kung mapapansin mo, kapag matataba ang iyong mga kaibigan, tataba ka rin, kung mga payat naman sila, papayat ka rin ng hindi mo namamalayan., kaya naman  sa isang pag-aaral sa New England Journal of Medicine, ang pagiging obese o sobrang katabaan ay maituturing na virus dahil nakakahawa ito. Pero, hindi naman nangangahulugan na dapat mo ng layuan ang mga matataba mong kaibigan. Para mabalanse mo, humingi ng payo sa mga kaibigan mong may healthy diet.

Pagbababad ng matagal sa mga social media – Lahat naman ng tao ay nag-e-enjoy na tingnan ang facebook ng kani-kanilang mga kaibigan, kaya lang kung palagi naman at nagdudulot lang ito sa iyo ng depresyon, mas mabuti pang tigilan na ito.  Sa isang pag-aaral na ginawa sa Germany, ang madalas na pagpi-facebook ay nagdudulot ng hindi magandang epekto sa utak ng tao. Mas malala naman ang paggamit ng twitter, dahil ayon sa mga researchers sa University of Vermont,  mas madalas makaramdam ng depresyon at stress ang mga gumagamit nito. (Itutuloy)