‘Di boto ang kuya sa bf

Dear Vanezza,

Mayroon akong boyfriend. Boto naman pareho ang family namin dahil kilala na namin ang isa’t isa. We live in the same place. Ang problema ko po ay yung isa kong kuya. Magkabarkada po kasi sila ng kuya ko kaya alma na alam niya ang gawain ng bf ko pagdating sa pakikipagrelasyon. Sabi ng kuya ko, tigilan ko na raw ang pakikipag-bf ko sa kanya. Pero mahal ko ang bf ko at ganundin siya sa akin. Nararamdaman ko naman po na totoo lahat ang nararamdaman ng bf ko para sa akin dahil pilit po niyang binabago ang lahat ng nakasanayan niya pagdating sa pakikipagrelasyon. At sa totoo lang po, ipinaglalaban po niya ang relasyon namin sa kuya ko. Sana po mabigyan ninyo ako ng payo. - Mik

Dear Mik,

Siguro may kapintasan ang bf mo na alam ng kuya mo kaya ka pinagsasabihan. Pero sa tunay na pag-ibig ang ano mang kapintasan ay hindi mahalaga. Kung ito’y kapintasan sa pag-uugali, ang importante’y handang magbago ang bf mo alang-alang sa’yo. At dahil bf mo siya, ikaw ang higit na nakakakilala sa kanya. Kung sa palagay mo’y sa kanya ka liligaya, walang ibang taong makapagdidikta sa iyo para hiwalayan siya.

Sumasaiyo,

Vanezza