Kalabasa

Last part

Para sa malusog na prostate

Pinapababa nito ang sintomas ng prostatic hypertrophy o BPH. Sa mga kalalakihang nakararanas ng BPH ay problema ang paglaki ng prostate gland na nagi­ging sanhi ng kahirapan sa pag-ihi at problema  sa sexual life.

Malusog na mata

Ang kalabasa ay mayaman sa beta carotene at lutein. Ang mga pagkaing mayaman sa lutein ay makakatulong upang maiwasan ang katarata at macular degeneration na sanhi ng pagkabulag. Ang isang tasa ng kalabasa ay makakapagbigay ng 135 micrograms ng beta carotene at 2,400 micrograms ng lutein.

Matibay na buto

Ang kalabasa ay mataas ang lebel ng manganese at bitamina C. Tumutulong ang manganese na mapanatili ang malusog na istraktura ng buto, calcium absorption, enzyme creation, at bone building. Ito ay tumutulong sa pagkakaroon ng sapat na dami ng mineral sa spinal column. 

Pinapanatili ang malusog na buhok:

Dahil sa mayaman ang kalabasa sa beta-carotene na ligtas at non-toxic na klase ng bitamina A. Ang  pigment na ito ay kailangan upang magkaroon ng malusog na buhok. Napipigilan nito ang pagkasira at pinapanatile ang makintab na buhok.

Kaya sa mga taong ayaw kumain ng kalabasa isipin na lang ninyo kung gaano kasustansiya ng prutas na ito. Hindi mo kailangan ng mga suplementong iinumin para masustenahan ang kakulangan ng bitamina at mineral sa inyong katawan.