Noong araw, ito ang white magic na ginagawa ng mga tao upang makamtan ang ninanais nila. Ikinukuwento ko lang at hindi inirerekomendang gawin dahil ako mismo ay hindi pa nakakaranas na gumawa ng mga naturang bagay.
PARA MABIGYAN NG HUSTISYA ANG TAONG PINATAY: Unang gawin ay hanapin muna ang anumang bakas (foot print, finger print) na iniwan ng kriminal. Kunin ang damit na suot ng biktima nang siya ay patayin. Ipako ito sa bakas na naiwan ng kriminal upang hindi ito masyadong makalayo. Magkakaroon ng dahilan para hindi makaalis ang kriminal sa kanyang pinagtataguan hanggang sa mabisto ng awtoridad ang kinaroroonan niya.
PARA MAGTAGUMPAY SA LARONG BARAHA: Patuyuin sa araw ang puso ng isang paniki. Itali ito sa iyong kanang braso sa ilalim ng sleeve ng iyong damit gamit ang pulang pisi or ribbon. Susuwertehin kang manalo sa lahat ng larong may kaugnayan sa baraha.
(Itutuloy)