Nawala na ba ang dating ‘init’ ng iyong pagmamahal. Natural lang ‘yan. Dumarating talaga sa isang tao ang medyo nawawalan ng gana sa sex,
Sa katunayan, ayon sa isang artikulo sa health.com, higit sa kalahati ng mga babae at 15% ng mga lalaki ang nawawalan ng gana sa regular na sex, base sa isang research. Kung nangyayari ito sa inyo ngayon, ‘di dapat mag-alala dahil may mga bagay na puwedeng gawin para buhayin uli ang inyong sexual desire. Kailangan lamang ng kaunting adjustment sa inyong lifestyle upang mabalik ang dating ‘init’. Narito ang mga suhestiyon ng mga experto ayon sa health.com
DATE NIGHTS - Dumating na ba sa puntong boring na ang inyong Sabado nights. Nagkukulong na lang ba kayo sa bahay at ordinaryo na lang ba ang inyong gabi? Ibalik ang dating romansa. Lumabas ng bahay at balikan ang nakaraan. Mag-date uli kayo ng iyong partner. Hindi naman kailangang maging engrande ang inyong date.
Gawin lang ang inyong ginagawa dati na manood ng sine, kumain sa labas, gumimik o kung ano pang kinagigiliwan ninyong gawin noon para muling mabuhay ang init ng pag-ibig. Kung prinoproblema kung sino ang magbabantay ng mga anak na maiiwanan, kumuha ng yaya o kung hindi ma-afford, maki-usap sa inyong mga kamag-anak o malapit na kaibigan na mapagkakatiwalaan.