Dear Vanezza,
Ako po’y 16 years old 4th year HS student. Mahilig po akong mag-computer games. Sawi rin po ako sa pag-ibig. Madalas din po akong nag-iisa at walang masyadong kaibigan. Ako rin po ang laging habol ng tuksuhan at mga bully sa aming paaralan. Dahil nga po sa computer games nakahanap ako ng minamahal. Pareho kaming mahilig sa computer games. Pero nalaman ko na may bf na siya. Sabi ko handa ko naman siyang hintayin. Magulo po ang isip ko ngayon. Paano po kaya ako magkakaroon ng kapanatagan. - Lupin
Dear Lupin,
Huwag kang magpatalo sa mga sirkumstansya sa buhay mo. Kung ikaw ay binu-bully ng mga ka-edad mo, huwag mo silang papansinin at gawin mo lang ang tama. Kung saktan ka nila, magsumbong ka sa mga school officials. Sikapin mo rin na imbes na sa computer games ay ibuhos mo ang oras sa pag-aaral para mag-excel sa klase. Bata ka pa at marami pang magagandang opportunities ang naghihintay sa iyo basta’t hangarin mo at pagsikapang maabot. Tungkol sa lovelife, huwag mo munang seryosohin at sikapin mong ma-establish muna ang kinabukasan mo.
Sumasaiyo,
Vanezza