Alam n’yo ba na ang salitang “pen” ay mula sa Latin word na “pinna” na ang ibig sabihin ay isang pahabang balahibo na maaaring panulat gamit ang ink? Mahigit dalawang bilyong ballpen ang ginagawa sa United States kada taon. Mayroong limang uri ng panulat na ito ang ginagamit a buong mundo gaya ng ballpoint, fountain, soft-tip, rolling-ball at specialty pens. Ang kauna-unahang fountain pen ay inimbento ni L.E. Waterman noong 1883 at nai-patent ito noong 1884. Noong World War II, ballpoint pens ang ginagamit ng mga piloto dahil hindi kumakalat ang ink nito kapag nasa mataas na altitudes na ang eroplano. Sa England, ang unang pen ay nailabas sa merkado noong Disyembre 1945 na ginawa ng Miles-Martin Pen Company.