Paano magbigay ng respeto? (1)

Ang isa sa pinakamahalagang sekreto para tumagal ang relasyon ng isang “couple” ay ang pagbibigay ng respeto sa isa’t isa. Kapag nawalan na ng respeto ang bawat isa  ay simula na rin ito ng pagguho ng kanilang pagsasama o mabuting pagtitinginan. Hindi naman dapat hinihingi ang respeto, bagkus, bago pa man pasukin ng dalawang tao ang isang relasyon, dapat na mayroon at handa na nilang ibigay ang respetong ito sa isa’t isa. Ilan sa mga kasabihan ng mga matatanda ay kapag nagpakita ka ng mataas na respeto sa lalaki ay doble nito ang ibibigay niyang pagmamahal sa’yo.

Respeto sa sarili – Kung mayroon kang respeto sa iyong sarili, ay tiyak na bibigyan ka rin ng ibang tao nito. Hindi ka dapat umasa na reres—petuhin ka ng ibang tao lalo na ng iyong partner o mister kung ikaw ay wala mismong respeto sa iyong sarili.

Matutong magdesisyon at maging tapat – Mas rerespetuhin ka ng iyong partner kung marunong ka din magdesisyon  sa iyong sarili sa ilang mga pagkakataon na ikaw ang kinakailangan na magdesisyon. Anuman ang iyong desisyon kailangan mo itong panindigan. Pero dapat mo pa rin balansehin lahat dahil baka naman lumabas na sobrang tigas ng iyong personalidad o kalooban ay hindi rin ito magandang tingnan sa isang babaeng gaya mo. (Itutuloy)