Huwag magbibigay ng prutas na pears sa maysakit dahil simbolo ito na mamamatay ang pasyente. Dugo naman ang isinasaad ng red roses. White at yellow flowers ang dapat ibigay sa pasyente.
Alisin na sa sampayan ang mga damit na nilabhan paglubog ng araw. Ang masasamang ispiritu ay lumalabas pagsapit ng dilim. Baka maligaw ang bad spirit sa mga damit na nilabhan. Sasanib ang ispiritu sa sinumang magsuot ng damit.
Hindi maganda ang buhok na may bangs. Natatakpan nito ang noo. Ito ang bahagi ng mukha na umaakit ng wisdom, success at wealth.
Susuwertehin ka sa trabaho kung may makakasalubong kang libing.
Kapag nakaupo ay huwag mong pagagalawin ang iyong legs o paa dahil para mo nang itinataboy ang magandang kapalarang lalapit sa iyo.
Huwag matulog nang katabi ang mirror. Hinihigop ng mirror ang kaluluwa ng natutulog.
May mga bagay na hindi dapat gawin sa gabi dahil ang naghahari sa mga oras na ito ay ang negative energy. Huwag pipitas ng bulaklak kung gabi dahil may mangyayaring hindi maganda sa iyo. Huwag tatawagin ang pangalan ng iyong kapamilya o pangalan ng iyong pet. (Itutuloy)