Dear Vanezza
Ako si Janes, 28 years old. Problema ko ang magulo kong pamilya. Hindi ko po maunawaan na sa kabila ng ilang taong pagsasakripisyo ko para sa aking pamilya ay nagagawan pa rin nila ako ng hindi maganda. Ako ang sumusuporta sa nanay ko at nakatira din sa akin ang iba kong kapatid at mga pamangkin na pinag-aaral ko. Pero sa kabila nito ay nasasabihan pa rin ako ng madamot ng aking ina at kapatid sa hindi ko malamang dahilan. Naghihinakit din ako dahil nauuwi sa wala ang aking mga pinaghirapan. Anong gagawin ko?
Dear Janes,
Mabuting kausapin mo ang iyong ina at linawin kung ano ang ipinagdamot mo sa kanila. Baka may mga bagay lang na hindi kayo nagkaintidihan. Ituloy mo lang ang responsibilidad mo sa kanila. Pero sa ginagawa mong tulong, huwag mo rin namang pagkakaitan ang iyong sarili. Kung dalaga ka pa, simulan mo ng magtabi para sa iyong kinabukasan. Hindi naman dapat na lahat ng iyong pinagpaguran ay sa kanila lang mapupunta. Darating ang araw na magkakaroon ka rin ng sariling pamilya. Idalangin mo sa Diyos na maayos ang sigalot sa iyong pamilya.
Sumasaiyo,
Vanezza