Nai-in-love sa ‘taken na’

Dear Vanezza,

I’m Norman. Nagkakagusto ako sa isang babae na hindi na malaya. Kasama ko siya sa trabaho. Anim na buwan pa lang siya sa kumpanya. Noong una, akala ko ay dalaga pa siya. At talaga namang mapagkakamalan mong dalaga dahil sexy at parang wala pang asawa. Kaya pala, nasa abroad ang mister n’ya na American citizen na. Ipinagtapat niya ito sa akin nang ligawan ko siya. Sabi niya, under process na ang kanyang petisyon para sumunod sa Amerika. Hindi tuloy ako makapag-concentrate sa ginagawa ko dahil katabi ko siya sa office. Ano ang maipapayo n’yo sa akin?

Dear Norman,

Hindi lisensiya ang pagmamahal para mahalin ang isang taong kasal na sa iba. Kung magkaroon ka ng ugnayan sa kanya, ito’y mali sa mata ng Diyos at tao. May pananagutan kayo kapwa sa batas kung magkagayon. Mahirap tanggapin pero wala kang magagawa kundi limutin siya at magmahal sa ibang malaya pa. Just stop pursuing her dahil baka pati siya ay maibulid mo sa tukso at maging unfaithful sa kanyang asawa.

Sumasaiyo,

Vanezza