Laging nagdadahilan ang gf

Dear Vanezza,

Tawagin mo na lang akong Jason. Gusto ko sanang isangguni sa iyo kung ano ang dapat kong gawin. Kakaiba kasi ngayon ang inuugali ng aking gf. Magdadalawang taon na ang aming relasyon at ngayon ko lang napansin ang madalas na pagdadahilan niya sa tuwing aayain ko siyang lumabas kami. Sa palagay mo ba nanlalamig na siya?

Dear Jason,

Likas sa tao ang magpabago-bago ng ugali. Pero sa sitwasyon ninyo na magkarelasyon, mahalagang malaman mo agad ang estado mo sa kanya. Kausapin mo siya nang personal para maliwanagan ang lahat. Alamin mo kung bakit tila umiiwas siya. Gawin mo ito sa mahinahon at puno nang respetong paraan. Dahil hindi ka nakatitiyak sa maaaring kahinatnan, ihanda mo rin ang iyong sarili sa posibleng malaman mo. Nawa’y maging maayos ang relasyon ninyo ng nobya mo.

Sumasaiyo,

Vanezza