‘Type’ ako ni Sir...

Dear Vanezza,

Tawagin mo na lang akong Haydee, 31. Isa akong account executive sa isang private firm. Maligaya ang pamilya ko at masaya ang marriage naming mag-asawa. Mag-10 years na kaming mag-asawa at hindi nagkakaroon ng problema ang aming pagsasama. Pero kung kailan smooth sailing ang aming relasyon ay saka naman dumarating ang ganitong mga pagsubok. Ang problema ko ay ang boss ko. Hindi ko siya gusto ngunit masyado na akong naiilang sa mga diskarte niya. Diniretsa ko na siya na maligaya ang pamilya ko at huwag niyang tangkaing wasakin pero mapilit pa rin. Ano ang gagawin ko?

Dear Haydee,

Mabuti at matatag ka. Pero mukhang pursigido ang iyong amo. Sabihin mo mang wala kang gusto sa kanya, baka sa matinding pagnanasa niya sa iyo’y kung ano ang gawin niya. Sabihin mo rin sa asawa mo na sunduin ka sa opisina pagkatapos ng trabaho. Pero kung sa kabila ng pag-iwas mo ay patuloy pa rin siya sa pangungulit sa’yo, makabubuti sigurong magbitiw ka na lang sa opisinang iyan. Mahirap maghanap ng trabaho pero ‘yan lang marahil ang paraan para makaiwas ka sa kanya.

Sumasaiyo,

Vanezza