Dear Vanezza,
May nagugustuhan po akong lalaki. Classmate ko siya sa college. Kaso, dalawang buwan ko na siyang kaibigan pero ni hindi nagpaparamdam. Tuloy parang gusto ko ako na ang magparamdam. Walang ibang nakakaalam na crush ko siya. Kahit ang pinakamatalik kong kaibigan. Nahihirapan na ako sa aking katayuan. Mahirap pala na umibig tapos hindi ka pinapansin ng mahal mo. May paraan ba para mapansin niya ako? - Nika
Dear Nika,
Hindi maganda sa isang dalagang tulad mo na “magparamdam†sa lalaking nagugustuhan mo. Tandaan mo na ang babae ang hinahabol ng lalaki. It is not the other way around. Kahit malaki ang gusto mo sa kanya, hindi mainam na ikaw ang magpakita ng motibo sa lalaki. Kasi bababa ang pagtingin sa iyo ng tao. Maghintay ka. Panahon lamang ang makapagsasabi kung liligawan ka ng crush mo o hindi. Kung hindi, huwag mong ipagpilitan ang iyong sarili. I’m sure may iba pang lalaki na makakapansin at liligaw sa iyo basta huwag ka lang magmadali.
Sumasaiyo,
Vanezza