4 ginto kinuha ng mga pinoy sa pagtatapos ng Asian Youth Boxing C’ships

MANILA, Philippines - Ibinuhos ng apat na pambato ng Pi­lipinas ang lahat ng kanilang makaka­ya upang maiuwi ang mga gintong me­dalya na pinaglalaban sa pagtatapos ka­hapon ng 2013 ASBC Asian Confede­ration Youth Boxing Championships ka­­hapon sa Subic Gym.

Napahirapan man ay nagawan ng pa­raan nina Jade Bornea at James Palicte na ma­kuha ang panalo laban ki­na Kosei Tanaka ng Japan at Liu Xiao Shuai ng Chi­na, habang kumbinsidong panalo ang naiuwi nina Ian Clark Bautista at Eumir Felix Marcial laban ki­na Mirazizbek Murza­ha­lilov ng Uzbekistan at Bat­zorig Otgonjorgal ng Mongolia.

Umiskor si Marcial, ang 2011 World Junior champion, ng isang 29-12 panalo kay Otgonforgal pa­ra sa ginto sa light wel­ter­weight division.

Unang sumalang ang World Youth bronze me­dalist na si Bornea kung saan niya binigo si Tanaka, 15-13, sa light flyweight division.

Sunod na umakyat si Bautista na ipinalakas ang bilis at lakas ng mga suntok para yanigin si Mur­zahalilov, 19-10, sa fly­weight division.

Isinantabi naman ni Pa­licte ang katotohanang walong araw lamang siya nagsanay sa national team nang ilusot ang 17-13 panalo kontra kay Liu sa light­weight division.

Ang nasabing isang ling­gong kompetisyon ay nilahukan ng 24 bansa at may ayuda ng MVP Sports Foundation.