Health food passion, naging mapanganib na food obsession? (1)

Karamihan sa atin ngayon ay masasabing may malawak na awareness nang maituturing kung healthy eating ang pag-uusapan— kung ano ang dapat kainin o iwasan na pagkain  para mailayo ang sarili sa pagkakasakit. Kaya lang may mga tao pala na nagiging “oa” ang preferences sa partikular na pagkain lamang, bagay na naglalagay sa mapanganib na kondisyon sa katawan. Dahil gaano man ka-healthy ang isang pagkain kung iyon at iyonlang ang ikukonsumo ay hindi sasapat para matugunan ang kabuang panga­ngailangan ng katawan. Kaya ang kahahantungana pa rin ay pagkakasakit.

Dito pumapasok ang kondisyon kung saan ang healthy food passion ay nagiging food obsession. Sa ganitong kalagayan, ang unti-unting pagbabawas sa pagkain for the sake of diet ay humahantong sa pagkabalewale ng iba pang masusustansiyang pagkain na mapagkukunan ng iba mga mahahalagang nutrients na kailangan ng katawan para maging malusog. Ayon sa mga health care expert, ang obsession na ito sa partikular na pagkain ay nauuwi sa eating disorder— partikular ang tinatawag na orthorexia nervosa, na makapagdudulot  ng physical health complication kung hindi pagtutuunan ng pansin.  Kaugnay nito, may mga simpleng rekomendasyon ang mga health care expert para hindi maging obsession ang healthy preferences ninyo:

Kumain kapag nakaramdam na kahit ng kaunting gutom. Tigilan ito kapag kontento na. May mga tao kasi na na-o-obsesse sa pagkain ng masusustansiya depende sa dami na feel lang nilang dapat kainin.