Kris, nanahimik na sa anak ng doc na ex

Mixed ang reaction sa post ng anak ni Dr. Michael Padlan tungkol sa pagtatanggol niya sa ama na ex ni Kris Aquino na “A Son’s Love and Truth: Defending My Father’s Honor.”

Pero hanggang sa sinusulat namin ay wala pa ulit sagot si Kris.

Nauna na niyang in-edit ang nasabing post na tungkol sa kanyang ex : “During this time of uncertainty, i am ready to share MY PAINFUL TRUTH.

“Time has passed: DR. M did not love me. He chose to leave when my autoimmune conditions were multiplying. In my defense the MD received the correct professional fees- even when we were a couple. Alvin is calculating if he is still owed more.

“i edited because there are 2 children whom i LOVE; they will remain in my heart. BIMB is my source of strength, while M and M made me smile, laugh, and value life’s simple pleasures.

“i know because of this post i won’t see the 2 of you grow up- please remember mama kris fulfilled her promises: Alvin brought your new iPads last night. (thank you @powermaccenter for efficient delivery)… i did bring you to school. We shared cotton candy, strawberry milk, and milk chocolate.”

Nawa’y mapag-usapan nila at bumuti ang kalagayan ni Kris.

Kim, balik sa pagmo-motor matapos mabalian ng buto

Balik na sa pagmo-motor si Kim Atienza matapos mabalian ng tadyang sa aksidente.

Aniya sa isang post : “When you fall off...get back on your horse!– ancient cowboy saying

“After falling off a bike getting back on imme­diately counteracts a fear that develops. You will find it harder to overcome that fear the more time passes and the more that our brains relive that fear over and over. Mamaya ayaw mo na sumakay.

“1st day to ride to work on my normal route. Maraming maraming salamat Lord, I am humbled by your blessings! Salamat I can ride.”

Tumilapon at nabalian ng tadyang ang TV host nang may iwasan siyang aso pauwi ng bahay habang nagmamaneho ng motor at aniya ay pang-apat na buhay na niya ‘yun.

Kaila, buhos ang biyaya

Buhos ng blessings ni Kaila Estrada ngayong taon.

Nag-umpisa ito actually noong 2024 kung saan nagmarka ang pagkokontrabida niya kina Kim Chiu at Paulo Avelino sa Linlang.

Sinundan ito ng isa pang markadong pagganap bilang Max Alvero sa Kapamilya action series na Incognito.

At ngayon, siya ang kauna-unahang endorser ng Barefaced Skin Care.

Inamin nga ng dalaga nina Janice de Belen at John Estrada na kinilig siya nang mapili nina Arianne Recella at Eleanor Roma na maging first celebrity endorser ng Barefaced sa katatapos na mediacon nito lalo na pala at ang market ng mga nasabing produkto ay Gen Z.

Aniya, sobrang kinilig siya.

Ayon naman sa mga owner nito, perfect choice ang aktres dahil ini-embody nito ang “elegance, sophistication at flexibility.”

“She’s very flexible as well as to what our brand wants to say to the people who are using it. Very simple, straightforward but very powerful,” anila.

Kwento naman ni Kaila, “I’ve had the pleasure of using their products and all I can say is how good it fits my daily makeup and skin regimen. Barefaced Melt Away is an oil to foam cleanser that is used to remove makeup. The Sunkissed Tinted Sunscreen and Sunkissed Illuminating Sunscreen is good to use as make-up base and protect you from harmful UV rays, too.

“It keeps my face protected and radiant. It still is natural looking and I love it. It’s been great so far, taking a break from work and being with my loved ones. I was born during women’s month, and I want to celebrate that, too.

“Personally, I am so grateful, and honored to be part of a brand that is youthful and also empowered women. They take good care of their family, and I grew up with a mom like that. Barfaced is straightforward and authentic, and (it) delivers amazing results. Cleansing is important, so grateful to be chosen as their first brand ambassador. They have faith in me, people are celebrating with me,” pahayag pa ni Kaila.

Pero kay Janice de Belen, baby pa rin ang anak na kinikilala na ngayong mahusay na actress.

Aniya sa kanyang birthday post para sa anak days ago : “This is how you will always be to me!!! The little girl who would stick her lips out as far as she can to kiss me no matter how grumpy she is?

“I know life is overwhelming for you these days, so many difficult choices, so much expectation, so busy and and so many eyes watching you. I trust that you have a good head on your shoulders!!!YOU WILL BE FINE!

“I am proud of you always! I pray that GOD give you the strength and the courage to face whatever comes!!

“The higher you go, make sure your feet are firmly on the ground?

“I love you “pukikai” we love you always,” buong post ng mahusay na actress tungkol sa kanyang anak.

Kamakailan ay nadawit si Kaila sa intriga sa mga kasama niya sa Incognito na sina Maris Racal at Anthony Jennings tho ngayon ay parang burado na ang lahat.

Inamin ni Janice na nasasaktan siya lalo na nung tinatawag ang anak na cheater bagama’t ang amang si John Estrada ang pinatatamaan ng mga meme.

Sabi ni Janice sa aming interview kamakailan : “You know, I hate that people brand other people something like that. Sana wala kang pagkakamali ‘pag nagba-brand kang ganun. Sana wala kang pagkakamali.

“Kasi it’s unfair. It’s unfair. You know, when you brand people, you damage their reputation,.

“Unang-una, mahirap kasi ‘pag artista ka, sa panahon ng social media... target practice ka, e. Wala kang magagawa, ‘di ba? Kaya lang sana, huwag ganun.

“Because if I remember right, there was an article in TIME magazine, that when the internet was created, it was created for people to be able to connect each other from around the world at any time. ‘Di ba, kapag may connection na sinasabi, it should be… ‘di ba, kaya nga may Friendster? Kasi friends, ‘di ba?

“So internet should have been a place of knowledge, should have been a place of connection. But now it’s beco­ming a place of hate. So medyo nakaka-sad,” paliwanag pa ni Janice nung kainitan ng isyu sa MaThon.

Ian Veneracion, aarangkada sa ibang bansa

Kasunod ng matagumpay na series na The Bagman, bukod pa sa malalaki nilang pelikula na ipinalabas sa mga sinehan, handa na ang boutique creative house and production company Rein Entertainment na ilunsad ang crime drama series na Drug War: A Conspiracy Of Silence.

Ito ang pinangako ni Ms. Charm Guzman, managing producer ng Rein Entertainment sa ginaganap Hong Kong Film Market na magtatapos ngayong araw.

Ang Drug War: A Conspiracy Of Silence, sa direksyon ni Shugo Praico, ay sinusundan ang kuwento ng isang pari mula sa isang privileged background na nakikipagtulungan sa isang pulis upang diskubrehin ang mga pangyayari sa likod ng pagkamatay ng kanyang nawawalang protégé, starring Ian Veneracion.

Ang nasabing series ay base sa totoong mga pangyayari pero wala umanong pinatutungkulan ang kuwento kundi paglalahad lang ito ng mga pangyayari katulad ng ginawa nilang paglalahad ng kuwento sa The Bagman.

Naging headline ang Pilipinas dahil sa war on drugs na ngayon ay patuloy pa ring pinag-uusapan dahil sa nagaganap na imbestigasyon ng International Criminal Court (ICC) kay dating presidente Rody Duterte.

Pero ayon kay Ms. Charm higit sa issue ng ICC or sa war on drugs, mas maiintindihan ng mga mano­nood sa Drug War ang epekto ng droga.

Katatapos lang ipalabas ng Rein ang Careta­kers starring Iza Calzado and Dimples Romana na gumanap bilang dalawang ina na naging madugo ang pagkakakilala dahil sa makabagong paniniwala at paniniwalang ispirituwal.

Nauna nang nakipagsosyo ang kumpanya sa Regal Entertainment at Mother Earth Foundation para sa Caretakers.

Ganundin sa Viva Films para sa pelikulang Elevator.

Nakikipagtulungan naman sa kasalukuyan ang Rein sa mga critically-acclaimed filmmakers para Korea-set suspense thriller Friday The 14th, directed by and starring Bela Padilla.

This year ay magce-celebrate ng 8th year ang boutique creative house and production company kung saan mas pina­lalawak pa nila ang kanilang reach sa pamamagitan ng pakikipag-collab hindi lang sa mga local movie production kundi maging sa international market.

Kaya naman in full force ang Rein Entertainment sa nagaganap na HK Filmart, sa pangu­nguna nina Direk Lino Cayetano, Ms. Charm (Managing Producer) and Ms. Maryruth Beng Maximo, Marketing and Research Officer, bilang bahagi ng 80-member delegation ng Film Development Council of the Philippines (FDCP), na pinamumunuan ni Direk Joey Reyes, at this year’s massive film market na ginaganap sa Hong Kong Convention and Exhibition Centre, with more than 760 exhibitors from 34 countries and regions. Sa nasabing 4-day event, local producers have the opportunity to connect with various producers and networks from around the world.

Pero ayaw pa nilang banggitin kung saan-saang bansa at streaming platform mapapanood ang Drug War.