Katatawanan ang hatid ng influencers na sina Jomar Yee at Spencer Serafica sa maaksyong programa ng GMA Prime na Mga Batang Riles.
Ginagampanan nina Jomar at Spencer ang magkapatid na Lala at Lulu, ang dalawang anak ni Pol na ginagampanan naman ni Roderick Paulate.
Bago mangyari ang trahedya sa Sitio Liwanag, may kainan sina Lala at Lulu at lubos ang kilig nila tuwing dumadaan si Kidlat (Miguel Tanfelix).
Sa totoong buhay, nakakatawa rin sina Jomar at Spencer lalo na’t patok na patok sa TikTok ang kanilang videos.
Sikat si Jomar sa video-sharing app na TikTok kung saan mayroong mahigit 300 million likes ang kanyang mga video.
Mayroon na siyang private resort na pangalang CASA GooW Private Farm Resort
Sa kasalukuyan, mayroong 11.3 million followers ang kanyang main TikTok account. Mayroon din siyang second TikTok account na mayroong 2.6 million followers at 51.3 million likes.
Ayon sa kanyang Facebook account, nag-aral siya sa Asian Institute of Science and Technology sa Dasmariñas, Cavite.
Katulad niya, sikat din online si Spencer Serafica, lalong-lalo na sa TikTok, kung saan may mahigit 700 million ang kanyang videos. Dahil sa mga nakakatawa niyang skit sa TikTok, pinarangalan siya ng TikTok Philippines bilang Comedy Creator of the Year.