Boses ni Ice, bumagay sa Disney Princess

MANILA, Philippines — Kuwela ang pagkanta ni Ice Seguerra ng kantang Part of Your World ni Ariel ng Little Mermaid. Aliw rin sa netizens pa ang caption nito na “Hello Woke Disney” at nanawagan pang “please hire as a Disney Princess.”

Ang daming humanga sa kanya dahil ang lamig ng boses nito at galing ng kanyang rendition.

Dahil diyan ay binigyan siya ng idea ng netizens na sana ang susunod na theme ng kanyang concert ay mga mala-Disney o Broadway songs.

Nabuhay raw ang natutulog niyang boses na mala-Disney ang timbre.

Risa Sato, magaling na komedyante

Kumpirmado na ang paglipat ni Risa Sato bilang middle blocker ng Cherry Tiggo.

Suot na niya ang kanyang bagong uniform.

Natuwa naman ang fans niya na kahit lumipat siya ng team ay suportado pa rin siya ng mga tao.

Kahit hindi na part ng Creamline si Sato ay happy ang fans sa desisyon nito gusto pa raw niyang mag-grow bilang player.

Wish ng fans na sana raw ay mas magamit si Sato sa Cherry. Hindi katulad sa Creamline na marami silang pambato ng dati niyang team. Excited ang fans sa malaking maiaambag ni Sato sa Cherry team.

Kaya love siya ng maraming volleyball fans dahil sa lakas ng good vibes at pagiging komedyante nito kahit na sa mga crucial game. Happy nga ang mga ito dahil tuloy ang pagpapatawa nito sa loob ng court, na laging nagbibigay-buhay sa games kahit intense ang mga laban.