Popmart, may Team Hopia

Bagama’t matagal na ring hiwalay ang dating mag-asawang Martin Nievera at Pops Fernandez and really good friends na lang talaga sila ngayon, mayroon pa rin talaga silang solid fans na hanggang ngayon ay gusto pa rin silang magkabalikan.

Ang tawag nga raw nila sa fans na ito na umaasa pang magkabalikan sila ay “Team Hopia,” hopia meaning ‘hope.’

Aminado naman ang ex-couple na medyo nawi-weird-duhan sila na talagang isini-ship pa ng mga fans na magkabalikan sila pero naiintindihan naman daw nila ang mga ito.

“Of course, we understand that in their minds or their wish is ‘yun nga nga, magkabalikan kami, but we’re not naman leading them and pretending that we’re getting back together,” sey ni Pops sa mediacon nila ni Martin kahapon para sa kanilang upcoming pre-Valentine concert.

“That for me is very important kasi ayaw naman naming mag-pretend. What they see is what they get,” dagdag pa ng Concert Queen.

Honest naman daw sila sa kanilang fans and ito raw din siguro ang dahilan kaya naman tinatangkilik pa rin ang kanilang tandem.

Sabi naman ni Martin, never naman nilang niloko ang publiko hinggil sa real score between them.

“There’s a fine line, eh, to tease your audience and also to make them feel stupid. You know, we don’t want ever, even in our separate careers to treat our audience like they’re stupid, like they’re dumb, like they don’t know the truth.

“Let’s not do that, let’s not talk down to the audiences. They know so much because of social media, and because of all of you (press), they know everything about us.

“So, let’s not fool them just for the sake of money,” pahayag ni Martin.

“We really work well together. This is really a great team. Whether or not we had a past,” dagdag pa ng Concert King.

Bagama’t maraming challenges na pinagdaanan ang kanilang tandem pati na rin ang kanilang marriage life before, masaya sina Pops and Martin na nalampasan nilang lahat ‘yun at ngayon ay maayos na maayos ang kanilang relasyon bilang magkaibigan, magka-trabaho, magulang ng dalawang anak nilang sina Robin and Ram at bilang lolo and lola ng kaisa-isa nilang apo na si Finn.

And once again, masasaksihan ng kanilang fans ang kanilang walang kupas na chemistry sa kanilang concert na “Always & Forever” na gaganapin sa Mall of Asia Arena on February 7, 2025.

The said concert is also a celebration of their 40th anniversary as an iconic musical tandem kaya naman excited sila at marami raw silang inihandang mga performances for their fans.

Liza, nakikipaghalikan sa karelasyon daw na Koreano

Kahit nasa USA na si Liza Soberano ay hindi pa rin talaga siya ligtas sa mga intrigerang netizens at Marites.

Nabasa namin ang isang post sa Reddit na spotted daw si Liza at ang rumored businessman boyfriend na si Jeffrey Oh sa isang restaurant sa New York City na naghahalikan.

Ayon nga sa netizen na nag-post, siya mismo ang nakakita kina Liza at Jeffrey. ‘Yun nga lang, wala raw siyang resibo o larawan.

“Spotted: Liza Soberano and Jeffrey Oh kissing in NYC,” ang titulo ng post ng netizen.

“No photos sorry. Saw them tonight in a restaurant here in NYC (Quality Meats). They were about to leave when we arrived, and they were with another couple too but didn’t recognise them. They shared a quick kiss as they were getting their coats,” pagbabahagi ng netizen.

“Ganda ni Liza. Jeffrey Oh gives me the ick. Yun lang. Quick and easy chika,” kwento pa niya.

Sa comment section ay may mga nagpahayag ng kanilang pagtutol kay Jeffrey para kay Liza.

“Yeah no I liked Liza I think may potential sya talaga but my oh my gurrrll?? gurl?? Come on? GURL?!?!?!?! SERYOSO KA GURL?! I thought she would be smarter but GURL?!?! HIM?!?!?! TALAGA?!?!” komento ng isang netizen.

“Liza naman!!!!” reaksyon naman ng isa pa.

Samantala, wala pa namang kumpirmasyon si Liza or si Jeffrey tungkol sa tsikang may relasyon sila at bukas naman ang aming kolum para sa kanilang pahayag.