Hanggang ngayon ay wala pa ring nagsasalita sa panig ng magkasintahang Sen. Sherwin ‘Win’ Gatchalian at dating beauty queen-turned actress na si Bianca Manalo tungkol sa estado ng kanilang relasyon.
It was last December pa lumutang ang balitang hiwalay na umano ang magkasintahan. Katunayan, pamilya ni Bianca ang kanyang kasama sa nakaraang Christmas holidays at hindi ang binatang senador.
Sa nakaraang Kapihan sa Senado ay natanong si Sen. Win ng senate reporters tungkol sa kanila ng nobya pero wala silang nakuhang sagot kundi ang ‘no comment’ lamang mula sa senador.
Pagdating sa kanyang personal life ay hindi gaanong nagsi-share si Sen. Win laluna pagdating sa relasyon nila ng girlfriend.
Ang relasyon ng dalawa ay nagsimula nung 2018.
So far, si Bianca ang pinakamatagal na (naging) kasintahan ng senador na sa edad na 50 ay ayaw pa ring mag-asawa hanggang ngayon.
Bago si Bianca, sandaling naging kasinthan ni Sen. Win ang actress-TV host na si Pauleen Luna na misis na ngayon ng veteran TV host, actor-comedian and producer na si Vic Sotto.
Samantala, kung totoong hiwalay na sina Sen. Win at Bianca ay hindi pa rin binubura ng dating queen-actress ang sweet photos nila ng senador sa kanyang Instagram account.
Jane, hinihintay na sundan ang Darna!
Napakalaking break ang ibinigay ng ABS-CBN sa dating Girltrends all-female dance group member-turned actress na si Jane de Leon sa Darna.
Si Joshua Garcia ang naging leading man ni Jane at ang veteran award-winning director na si Chito Roño ang namahala ng serye. Pero sa kabila nito ay nagtataka ang marami kung bakit hindi pa rin gaanong maka-take off ang career ni Jane hanggang ngayon kahit nakagawa na rin siya ng ilang pelikula na siya mismo ang leading lady.
Si Jane ay huling napanood sa 50th Metro Manila Film Festival movie na Strange Frequencies: Taiwan Killer Hospital na pinagbidahan nila ni Enrique Gil na hindi rin gaanong kinagat ng mga manonood.
Hinahanapan na si Jane ng follow-up sa Darna.