Kamakailan lamang ay binuksan ang bagong hotel ng dating frontman ng Rivermaya, ang singer, songwriter, musician, record producer and entrepreneur na si Rico Blanco na matatagpuan in La Union, ang Motel Mambo.
Nauwi man sa hiwalayan ang naging relasyon nila ng Kapamilya singer-actress na si Maris Racal, life goes on with Rico na nakabaling ang attention ngayon sa kanyang bagong negosyo.
During the launch of Motel Mambo ay inimbitahan ni Rico ang ilang kaibigan sa music entertainment business para magbakasyon at mag-relax sa kanyang bagong bukas na hotel na matatagpuan sa MacArthur Highway in Urbiztondo, San Juan in La Union.
Samantala, sa kabila ng kontrobersiyang kinasangkutan nung isang taon ng magka-loveteam na Maris Racal at Anthony Jennings, naging professional ang mga ito sa promo ng kanilang bagong TV series, ang action series na Incognito na pinagbibidahan nina Daniel Padilla, Richard Gutierrez, kasama rin sina Ian Veneracion, Kaila Estrada, Baron Geisler at iba pa.
Sina Maris at Anthony ay kasama rin sa pelikulang pinangunahan ni Vice Ganda, ang pelikulang nanguna sa takilya sa sampung entries ng 50th Metro Manila Film Festival, ang And the Breadwinner Is… mula sa panulat at direksyon ni Jun Robles Lana at joint production ng Star Cinema and The IdeaFirst Company.