Mel Tiangco, babalikan ang mga kwentong yumanig sa taong 2024

MANILA, Philippines — Ipinagmamalaki ng GMA Integrated News ang 2024: Ang GMA Integrated News Year-End Report, isang komprehensibo at mabilisang pagsusuri sa pinakama­kabuluhang mga kwento ng taon. Ang espesyal na ulat na ito ay hindi lamang magbibigay-diin sa mga pinaka-maimpluwensyang kaganapan ng taong 2024 kundi maghahatid din ng mga aral mula sa nakalipas na 20 taon ng kahusayan sa pamamahayag bilang bahagi ng selebrasyon ng ika-20 anibersaryo ng 24 Oras.

Sa pangunguna ng award-winning veteran anchor na si Mel Tiangco at suportado ng mga pinagkakatiwalaang correspon­dents ng Team Totoo, ang multi-platform special ay nangangako na magbibigay ng mga pananaw, konteksto at repleksyon sa mga kaganapan na humubog sa 2024.

Ang pangunahing itatampok ng 2024: Ang GMA Integrated News Year-End Report ay kinabibilangan ng Extreme Weather – isang taon na walang tigil ang mga bagyo at hamon sa panahon na pinahayag ni Amor Larrosa; West Philippine Sea – tumitinding tensyon at mga alitan sa teritoryo ni Joseph Morong; Olympic Glory – mga tagumpay ni Carlos Yulo at ang kanyang personal drama ni JP Soriano; POGO Controversies – paglutas ng kwento ni Alice Guo ni Mav Gonzales;  Pastor Apollo Quiboloy – mga legal battle na nakapalibot sa KOJC (Kingdom of Jesus Christ) ni Jun Veneracion; Duterte Drug War – mga imbestigasyon ng ICC at ng Kongreso ni Jonathan Andal; VP Sara Duterte at PBBM (Bongbong Marcos) – ang pagkasira ng Unity team, ni Ivan Mayrina; Major Crimes & Accidents – mga trahedyang yumanig sa bansa ni Emil Sumangil; Chocolate Hills Controversy – usaping pangkalikasan at pangkultura ni Maki Pulido; Mary Jane Veloso’s Return – ang matagal na paghihintay sa pagbabalik, ni Maki Pulido; Eleksyon 2025 Updates – mga paghahanda at inobasyon para sa darating na eleksyon na tatalakayin ni Sandra Aguinaldo; at Showbiz Chika – Mga highlight mula sa mundo ng showbiz, kabilang ang kolaborasyon ng GMA-ABS at ang inabangang concert ni Olivia Rodrigo, ni Aubrey Carampel.

Pinrodyus ng GMA Integrated News at pinapalakas ng GMA Integrated News Research, ang espesyal na ulat na ito ay magiging available sa telebisyon, radyo, at mga online platform, na sumasalamin sa layunin ng GMA Integrated News na makapaghatid ng pinagkakatiwalaan, napapanahon at malalim na pamamahayag.

Panoorin ito sa Disyembre 28, 2024 (Sabado), 6:15 p.m., pagkatapos ng 24 Oras Weekend sa GMA, na may delayed telecast sa GTV, 9:30 p.m., at live streaming sa GMA News Facebook at YouTube channel. May simulcast din ito sa Super Radyo DZBB.