Daniel, kinilig sa baguhan

Ang bongga ng isang upcoming star na si Shuvee Etrata na nag-fangirl sa Kapamilya actor na si Daniel Padilla.

Ipinost niya sa TikTok ang mga litrato nila ng aktor na childhood crush pala niya na may caption na “Thanks for making my childhood happy!”

Makikita sa photos ang kilig niya sa ex ni Kathryn Bernardo.

Pero isa sa napansin ng mga netizen ay lutang ang chemistry ng dalawa. In fairness daw, ang cute ng dalawa at bagay raw.

Ang pretty nga raw ng Sparkle star na gandang Pinay at morena beauty. Ang lakas nga raw ng dating nito kaya nagkaroon tuloy sila ng shippers ng aktor.

Isa rin sa komento ng mga netizen ay mukhang kinilig daw ang aktor kay Shuvee. Iba raw kasi ang ngiti nito. Pinansin pa nila ang paghawak nito sa bewang ng aktres.

Maaalala nga na ito rin daw ang girl na na-link kay Joshua Garcia na nag-chat daw sa kanya noon.

‘Kaloka. Sana naman ay makilala siya at sumikat bago siya ma-link kay Daniel.