Second time nang nagkatrabaho sina Daniel Padilla at Richard Gutierrez pagkatapos ng La Luna Sangre kung saan din tampok ang ex-girlfriend ni Daniel na si Kathryn Bernado. Second time ding nagsama sina Ian Veneracion at Richard Gutierrez pagkatapos ng Iron Heart sa upcoming action-drama series na Incognito na unang mapapanood sa Netflix on Jan. 17, 2025 na susundan ng iWantTFC on Jan. 18 and Jan. 20 naman sa TV5, A2Z at sa iba pang streaming platforms ng ABS-CBN.
Masuwerte ang bumubuo ng cast ng action-drama series na Incognito dahil maraming naisi-share sa kanila si Ian being a more senior star na malapit nang maging isang golden boy.
Chelsea, bumawi
Although hanggang Top 20 lamang ang inabot ni Chelsea Manalo sa Miss Universe 2024, hindi ito umuwing luhaan matapos itong mapiling Miss Universe Asia.
As Miss Universe Asia, Chelsea will be traveling all over Asia at may mga pagkakataon ding kasama siya ng Miss Universe winner sa iba nitong trips.
Bukod sa titulong Miss Universe Asia, si Chelsea rin ang nanalo sa Best in National Costume base sa botohan.
Hindi man nasungkit ni Chelsea ang Miss Universe crown, may dalawang parangal naman siyang maiuuwi sa Pilipinas.
Alodia, nanganak na
Nakapagsilang na ang Filipina cosplayer, singer, actress, model, vlogger at entrepreneur na si Alodia Gosiengfiao sa first baby boy nila ng kanyang young businessman husband na si Christopher Quimbo.
It was last September sa isang gender reveal nalaman na boy ang kanilang magiging first baby.
Bago nakilala ni Alodia ang kanyang husband, she was in a long relationship with Filipino-American model, TV personality and vlogger na si Will Dasovich who is currently in a relationship sa Fil-Am actress na si Carla Humphries na nag-relocate na sa Amerika after the pandemic.
Christian, binitawan na ni Boy
Lumipat na sa pangangalaga ng Cornerstone Entertainment ang singer at award-winning actor na si Christian Bables pero maayos itong nagpaalam sa kanyang dating manager, ang King of Talk na si Boy Abunda.
Excited si Christian sa kanyang bagong journey sa kanyang bagong pamilya at Cornerstone Entertainment.