Actress, bawal magsalita sa kinasangkutang kontrobersya

Nagpatawag ng media para sa coverage ng bagong endorsement ng isang kontrobersyal young actress na nasangkot umano sa hiwalayan ng isang showbiz couple.

Itinuturong dahilan ang controversial young actress sa hiwalayan. Eh dahil wala pang pahayag ang hiwalay na showbiz couple, pawang ispekulasyon lang ang nasasabi.

Excited ang media sa pagbiyahe sa nearby province kung saan doon ang launching ng young actress. Chance na nilang matanong ito lalo na’t matagal din siyang nanahimik sa mga bintang.

‘Yun nga lang, pagdating ng media sa venue, nagsabi ang organizers ng event na hindi puwedeng matanong ang young actress sa nakaraang issues sa kanya.

Kaya naman umuwing luhaan ang media dahil sa pagharang sa mga tanong na gusto nilang ibato sa kontrobersyal young actress!

Keith, nagagamay na ang showbiz

Enjoy na enjoy si Atty. Keith Monteverde, anak ni Madame Roselle Monteverde at Vice President ng Regal Entertainment, sa bago niyang mundo ng showbiz.

Although bago pa man mag-aral sa US eh nakakapanood na siya sa post production ng Regal movies, now, hands-on na siya sa bawat film production ng company gaya ng latest Metro Manila Film Festival entry nito na My Future You.

Bida sa MFY ang loveteam nina Francine Diaz at Seth Fedelin, at naniniwala si Sir Keith na malakas ang appeal nito sa mga kabataan at fans ng FranSeth loveteam.

“Hindi siya nakakasawang panoorin kahit I’ve seen it several times. It’s a very good movie at bagay sa Christmas season!” pahayag ni Atty. Keith na nagagamay na ang takbo ng mundo ng showbiz!