Zia Dantes, naluha sa regalo ni Olivia

RAMDAM na ramdam ang kaligayahan kay Zia Dantes, panganay nina Dingdong Dantes at Marian Rivera, nang makatanggap siya ng birthday gift sa idolo niyang Fil-Am singer na si Olivia Rodrigo kamakailan.

 Ipinakita ni Yan ang video ng maliga­­- yang box ng regalo at binuksan niya ito na nasa Face Book page ng GMA Primetime Queen!

Matatandaang fangirling si Zia nang mag-concert sa bansa si Olivia. Binati pa si Zia ng idolo niya nang makita siya sa audience.

Samantala, sa isang video, ipinakita ni Yan ang pagbubuntis niya sa panganay hanggang sa lumaki ito na isang mabait at masunuring anak!

Sampaguita, naibenta na!

MAGIGING alaala na lang ang buong Sampaguita compound kung totoo ang nalaman namin sa former matinee idol ng Sampaguita na si Pepito Rodriguez.  Remember him sa Rosemarie Sonora, Ricky Belmonte, at Pepito Rodriguez love triangle movies ng Sampaguita Studios?

Nakita namin si Pepito sa premiere night ng pelikulang Idol: The April Boy Regino Story. Kaibigan siya ng producer at director Efren Reyes, Jr.

Nabanggit ni Pepito sa amin na 82 years old na at bakas pa rin ang ka­kisigan, nabenta na umano  ang Sampaguita Compound sa isang mayamang negosyante sa bansa.

Sa compound eh may mga studio sa loob na ginagamit sa post production ng ilang film companies. Shooting location din ang loob ng maraming Sampaguita films.

Of course, we have yet confirm ang sinabing ito ni Pepito na doesn’t mind ang buhay ng ibang tao kaya healthy at masayahin.