Luhaan ulit ang Pilipinas sa katatapos lamang na Miss International 2024 pageant na ginanap sa Tokyo, Japan.
Si Miss Vietnam Hu?nh Th? Thanh Th?y ang nagwagi ng korona at kinabog niya ang 70 contestants.
“I’m the first Miss International from Vietnam. Finally, I can prove that I deserve all the love and support from my audience and fans from Vietnam and around the world. Thank you so much,” sey ni Thuy na isang model at kasalukuyang student sa University of Greenwich in London.
Ang runners-up niya ay sina Miss Bolivia, Miss Spain, Miss Venezuela at Miss Indonesia.
Na-“thank you girl” agad si Miss Philippines Angelica Lopez dahil hindi siya nakapuwesto kahit sa Top 20.
Pinoy actor, namamayagpag sa west end
Namamayagpag ang Filipino actor na si Joaquin Pedro Valdes sa West End London at siya ang bida sa The Lightning Thief: The Percy Jackson Musical na magbubukas sa The Other Palace on Nov. 22 at tatakbo hanggang Feb. 2, 2025. “I play Luke Castellan, the lead character’s main nemesis, who is the son of Hermes, messenger of the gods in Greek mythology,” sey ni Joaquin na noong 2018 ay nakasama sa cast ng Miss Saigon.
Simula noong lumipat siya at ang misis niyang si Agee Romero sa United Kingdom, nagsunud-sunod ang paglabas ni Joaquin sa musicals tulad ng The King and I, The Lion King, Heathers: The Musical at marami pang iba.
Dating miyembro ng boyband na 17:28 si Joaquin in 2002. Bilang aktor lumabas siya sa mga pelikulang I.T.A.L.Y., Niño, Anatomiya Ng Korupsiyon, Ang Huling Henya at Midlife. Dinirek naman niya ang mga pelikulang Dagim at Bulong.
Nanalo rin siya bilang 2016 Mr. Gold’s Gym BodyCon.
Jurassic World actor at misis, iniluwal na ang third baby
Sinilang na ang ikatlong anak ni Jurassic World actor Chris Pratt at ng misis niyang si Katherine Schwarzenegger.
Pinangalanan nilang Ford ang kanilang baby boy na sinilang noong Nov. 8.
“We are overjoyed to announce the birth of our son, Ford Fitzgerald Schwarzenegger Pratt. Mama and baby are doing well and Ford’s siblings are thrilled by his arrival. We feel so blessed and grateful. Love, Katherine and Chris,” post ni Pratt sa Instagram.
May two girls na ang couple na sina Eloise, 2, and Lyla, 4. May son naman si Pratt from ex-wife Anna Faris named Jack.