Ellen, hindi muna natutulog sa tabi ni Derek!

Katawa ang sagot ni Derek Ramsay sa post ng kanyang misis na kapapanganak lang, si Ellen Adarna, para sa kanilang 3rd anniversary.

Nag-post kasi Ellen na nagpapasalamat siya at malapit na raw ulit siyang matulog sa tabi nito. At sa huli ay may joke siya na husband for sale. “Happy Anniversary dont worry, i will be sleeping beside you soon… almost there! Hehe i love you! Thank you for being patient with me this year.. being the patola that you are, you only made patol my crazy hormones twice and not 10x (WOW. Mature. Growth) to 3 years and a lifetime more together. Forever and always i love you @ramsayderek07 happy 11.11 sale! Husband for sale! Joke”

Sabi ni Derek “Mature na ba talaga?”

Sagot ulit ni Ellen “@ramsayderek07 the round marks on your forhead says it all”

Nag-post nga rin si Derek ng “The best years of my life! I love you Mrs Ramsay! Happy 3rd anniversary, my love.”

Of course, biruan lang ‘yun ng mag-asawa na kumbaga ay hot item sa social media.

‘Yan ay kahit na nga matagal na silang hindi aktibo sa kanilang mga career.

Melai, sineryoso sa talkshow

Umani nang mahigit 15 million views at nagkaroon ng ilang trending episodes ang unang season ng ABS-CBN Bisaya talk show na Kuan On One, sa pangunguna ni Kuantie Melai Cantiveros, na mapapanood na ang second season simula ngayong araw, Nobyembre 12 (Martes), sa ABS-CBN Entertainment YouTube channel at iWantTFC.

 Sa Season 2 announcement ng show, inilahad ni Melai ang kanyang excitement sa paghahatid muli ng tuwa at lessons mula sa mga Bisaya celebrities.  

 ‘‘Gusto kong ma-pickup ng viewers yung mga individuality ng in-interview na mga Bisaya celebrities and influencers. Na kapag na-touch mo kung saan sila nanggaling, makikita mo na normal lang silang tao, sobrang humble nila, at deserve talaga nila na maging idol natin,” sabi niya.

Nagpasalamat rin siya sa lahat ng positibong reaksyon at komentong natatanggap niya bilang solo host.

Dahil dito, muling magpapasaya si Melai kasama ang celebrity guests mula sa showbiz at music industry at sa drag, social media, at sports communities na may nakakatuwa at nakaka-inspire na mga kwento. 

Nakatakdang bumisita sa pangalawang season ng show sina JK Labajo, Kyle Echarri, PBB Gen 11 housemates Jas at Binsoy, Sylvia Sanchez, Davao Conyo, Morissette, Chito Samontina, Khianna & Hana Beshie, Sisi Rondina, at marami pang iba.

 Huwag palampasin ang Kuan on One Season 2 na mapapanood na ngayong Nobyembre 12 (Martes) sa YouTube channel ng ABS-CBN Entertainment at iWantTFC.   Available rin weekly ang extended scenes ng Kuan on One para sa Super Kapamilya Members sa ABS-CBN Entertainment YouTube Channel.