Jowa ni Kris, hinahanap ng netizens
Siguradong hinanap sa Instagram at Facebook account ang boyfriend ni Kris Aquino na si Dr. Mike Padlan, nang pangalanan siya ni Kris sa latest at update post niya sa IG. Kaya lang, naka-private ang IG nito wala siyang FB.
Sa IG post ni Kris habang dumaan siya ng PICC Line Insertion invasive surgery, makikita si Dr. Mike na sinabi rin ni Kris na “clearly visible is surgeon Dr. Mike Padlan (pinangalanan ko na po siya.)”
Sa post ni Kris, hindi lang doctors at nurses na nag-aalaga sa kanya ang kanyang pinasalamatan, pati na ang walang tigil na nagdadasal for her healing. Nakakaiyak ang sinabi nitong, “I REFUSE TO DISAPPOINT ALL THOSE PRAYING FOR ME. Ayokong maisip nyo a binabalewala ko yung time & effort ninyo. Because your compassion has deeply touched my heart.”
Bong at jillian, 14 years bago nagkasama ulit
Natuloy rin ang muling pagsasama nina Sen. Bong Revilla at Jillian Ward, kaya lang, sa telebisyon muna, susunod na ang pelikula. Hindi malinaw kung guest o kasama na sa cast ng Walang Matigas na Pulis sa Matinik na Misis ang Kapuso young actress. Last Sunday ang kanyang first taping day sa action-comedy series.
Naka-doctor gown si Jillian sa taping at sabi nito, doctor pa rin ang role niya sa action-comedy series. Ang kaibahan lang, hindi siya magdra-drama at hindi seryoso, magta-try raw siyang mag-comedy.
Five years old si Jillian nang unang makasama si Bong at ito ay sa pelikulang si Agimat at Enteng Kabisote na bida rin si Vic Sotto. Jillian is now 19 years old, umabot ng 14 years bago sila magkatrabaho agad.
Tyra, pinasalamatan
Ang comment ni Tyra Banks na “Get it girl!!!” sa Instagram post ni Miss Universe Philippines Chelsea Manalo na ikinagulat ni Chelsea at followers niya sa IG. Ang caption ni Chelsea sa kanyang post ay “Philippines, let’s make it happen” at sumagot nga si Tyra Banks.
Ang daming napa-“OMG” bilang reaction. Ang mga netizens na ang nagpasalamat for noticing Chelsea at ang ibig daw sabihin ng comment ng supermodel, approve siya kung si Chelsea ang kokoronahang Miss Universe 2024.
Ang ganda naman talaga ni Chelsea sa official portrait niya sa Miss Universe, face card kung face card.
Sinundan pa ng comment na “This is perfect! Very Filipina! Not super glammed. Perfect! “ May nag-comment pa na “Lalaban Go Chels.”
May advance na ang comment, si Chelsea raw ang magiging 5th Filipina to win the crown at marami ang nag-agree. Iuwi raw niya ang crown at sash at kung ano pa ang dapat niyang iuwi from Mexico.
“OMG!!!!!!!” din pala ang reaction ni Chelsea sa comment ni Tyra Banks, hindi rin ito makapaniwala na mapapansin siya ng super model.
- Latest
