Matagal na pala ang problema ng dating artistang si John Wayne Sace.
Sa kanyang vlog, binanggit ni Julius Babao na kung ilang ulit na raw niyang inalok si John Wayne ng tulong para magpa-rehab, ibig sabihin alam niyang nagdodroga iyon. Hinihikayat din daw niyang lumipat na iyon at lumayo na sa kanyang tinitirahang lugar, pero lagi raw tinatanggihan ang kanyang inaalok na tulong.
Ngayon kakasuhan siya dahil sa pagpatay sa isang dating kaibigan, at hindi basta homicide, tiyak na murder ang isasampa sa kanya dahil sinasabing matagal na silang may alitan.
Kung nakinig na lang sana siya kay Julius Babao na magpa-rehab na at umalis sa lugar na kanyang tinitirahan, naiwasan sana ang mga bagay na iyan at hindi siya makukulong.
Julie Anne, mas kikinang ba ang career bilang calendar girl?
Nakahanda na ba si Julie Anne San Jose na iwanan ang kanyang wholesome image at magpapa-sexy na siya?
Kung sabagay kanya-kanyang desisyon ‘yan.
Baka pakiramdam niya ay makakatulong iyon para mas sumikat siya.
Lahat ng suporta ay ibinigay na ng GMA kay Julie Anne pero parang may kulang nga.
At baka ito na nga ‘yun.
Baka ito ang magtulak sa kanyang career upang magkaroon ng mas kinang.
Labi ng ex-matinee idol Alfie Anido, napabayaan na!
Dahil nag-Todo los Santos, napag-usapan na naman ang mga artistang yumao.
May nagtatanong. Talaga nga raw ba wala na ang mga labi ng matinee idol noong araw na si Alfie Anido sa kanyang libingan sa Manila Memorial Park sa Sucat?
Kapag dinadalaw kasi ng fans niya ang puntod, naroroon pa naman iyon pero parang napabayaan na at wala man lang nag-asikaso.
May panahong nabalita na inalis na raw sa puntod ang mga labi ni Alfie at dinala na ng pamilya niya sa Canada pero walang kumpirmasyon iyon. Sa ngayon ay buo naman ang puntod.
Naalis na nga lang ang nakapatong na pangalan ni Alfie na ginawa sa tanso.
Minsan lalo na kung araw ng birthday at kamatayan ni Alfie, dahil siya ay ipinanganak at namatay ng parehong petsang Dec. 30, may makikita lang nagtitirik ng kandila, may alay na bulaklak, at nag-iiwan pa ng picture ni Alfie sa kanyang puntod, pero maliban doon ay wala na.
Male star, nabukulan sa Trick or Treat!
Hindi akalain ng isang male star na dahil sa pangangaluluwa, mabubukulan siya nang wala sa oras. Nag-iikot daw sila kasama ang mga kaibigan sa loob lang naman ng kanilang subdivision. Nakasuot pa sila ng costume at nagti-trick or treat sa mga bahay-bahay.
May isang bahay raw silang kinatok, na mukhang ang nagbukas ng pinto ay naalimpungatan at ang nakita ay naka-maskara, bigla raw siyang pinukpok ng baseball bat. Nagulat eh.
Mabuti naman daw at hindi pumutok ang ulo ng male star, pero matagal siya bago nakatayo at nahilo rin. May bukol siya pagkatapos kaya halos magdamag daw niyang binababaran ng yelo ang ulo niya.