Ang bongga naman ng mga nagkalat na photos nina Richard Gutierrez at Daniel Padilla habang nasa Italy para sa kanilang taping ng teleseryeng Incognito.
Talagang hindi nagdamot sa mga fans sina Richard at Daniel.
May nagpakita sa akin ng mga litrato nila na kasama ang mga fans na talagang nag-enjoy na nakita nila ng personal ang kanilang mga idolo.
Kaya sobrang pinupuri nila ang ugali ng dalawang Kapamilya actor.
Chance na nga naman nila ‘yun na maka-selfie na walang bayad.
Kelan ba mapapanood ang Incognito?
Buti hindi sila nag-incognito habang nasa Italy?
Hahahaha.
Ken Chan, nakakaawa!
Naawa naman ako kay Ken Chan.
Totoo bang may warrant of arrest na siya? Nababasa ko lang naman sa mga column, Salve.
Pero kung totoo nga, nakalulungkot naman na parang ang aga niyang napahamak sa mga investment na ‘yan sa gasoline station.
Nawa’y malampasan ito ni Ken na mabait ang pagkakakilala ng karamihan.