Heart, pahinga muna sa pagrampa!

Aminado si Heart Evangelista na nami-miss na niya ang pag-arte kaya mukhang magpapahinga muna siya sa pagdalo sa fashion weeks para bigyang-daan ang paggawa ng showbiz projects.

“I feel like with fashion, I can probably say that I’ve been there and I’ve done that,” aniya sa panayam sa Kapuso Showbiz News.

“So, I’m very happy with all of the fashion shows that I’ve attended in the past. I think, I have great stories to tell and more adventures to experience,” dagdag niya.

“If there’s anything that I probably do miss, umm, acting and I will consider doing something,” pag-amin niya.

“But if I were to do a movie, it would be something that would break my character. Meaning to say, that you wouldn’t really see anything that’s of me in the role. So, I want it to be very challenging. So hopefully, we find a perfect script and the perfect schedule kung masisingit namin,” aniya pa.

Sinabi rin ng Kapuso actress na may niluluto na ring project ang GMA para sa kanya at nagbigay ng konting detalye kung anong klaseng proyekto ito.

“I was surprised, actually. Um, it’ll be within the year. It’s a very first of GMA, so it’s a project I’m collaborating with them that I’m very excited to be creating,” she said.

Okay lang din sa kanya ang mag-guest sa shows at gusto raw niyang makasama ang friends niya kabilang na si Bea Alonzo.

“Kahit one scene lang, okay lang po sa akin ang 3 hours taping,” natatawa niyang sabi.

Alden at Kathryn, level up!

Aminado si Alden Richards na naging emosyonal talaga siya nang matapos na ang shooting nila ni Kathryn Bernardo ng pelikulang Hello, Love, Again sa Canada kamakailan.

Halos isang buwan din kasing nag-shooting ang KathDen and company sa naturang bansa at araw-araw ay sila-sila ang magkakasama.

“I felt a little bit sentimental, of course, with the place, and ang haba ng time na magkakasama kami doon. So, parang nagulat ako na in an instant, tapos na pala siya,” pahayag ni Alden sa interview sa Chika Minute.

Inamin din ng aktor na mas naging close sila ni Kathryn sa almost one month ng stay nila roon.

“Mas naging solid, mas naging close, mas nakilala namin ‘yung isa’t isa. At the same time, you really get to know the person once you get to work with her in a setup na matagal magkasama,” kwento niya.

Maging ang karakter daw nila bilang Ethan and Joy ay nag-level up din.

“When it comes to Joy and Ethan naman, without giving much spoiler, this is a more mature take on both characters,” sey ng aktor.

Sa ngayon ay balik-taping na si Alden sa seryeng Pulang Araw bilang si Eduardo na aniya ay na-miss niya.