Kim, panalo ng award sa Korea!
![Kim, panalo ng award sa Korea!](https://media.philstar.com/photos/2024/07/15/im_2024-07-15_22-14-05.jpg)
Wow, super winner ang Monday ni Kim Chiu kahapon.
Winner siya ng Outstanding Asian Star - Philippines sa Seoul International Drama Awards 2024 at nominated siya for Best Female Lead in a TV series at the ContentAsia Awards sa Taiwan.
Na magkasunod ang naging annoucement kahapon.
Nakasungkit nga ng anim na nominasyon ang ABS-CBN sa 2024 ContentAsia Awards, na kumikilala sa mga mahuhusay na mga programa, pelikula, at pagganap ng mga artista mula sa iba’t ibang bahagi ng Asya.
At nangunguna sa listahan si Kim bilang Best Female Lead in a TV Programme nominee sa hit Dreamscape serye na Linlang, habang nominado naman sa Best Male Lead si Arjo Atayde para sa kanyang pagganap sa psychological thriller na Cattleya Killer.
Gaganapin ang awards ceremony ng 2024 ContentAsia Awards ngayong Setyembre 5 (Huwebes) sa 2024 Trendy Taipei music, arts, and innovation festival
Samantala, going back to Kim, natanong nga ang actress kung besides skincare what makes her blooming nowadays?
Tilian ang fans noong Sabado ng hapon, sa meet and greet para sa kanyang newest endorsement, Face by Bloom.
“Blooming ba?” tumatawang sagot kaagad niya.
Paliwag niya, medyo chill siya lately dahil tapos na ang mga taping niya sa dalawang trending teleserye na Linlang and What’s Wrong With Secretary Kim.
“Ahh tapos na kaming mag-taping. Medyo light lang ang ginagawa ko lately so I can... I get to do things that I want. Gusto ko rin naman mag-taping o mag-shooting. Pero nakakapahinga ng maayos, nakakatulog, nakakapag-ahh.. maraming time for myself so I can.. hindi masyadong pagod at haggard,” paliwanag pa ni Kim.
Julia, ipapakita ang galing sa pagiging ina! Back to work...
Pinoy adaptation ang sikat na Japanese drama na Mother. Kikilalanin ito sa Pilipinas sa titulo nitong Saving Grace at pagbibidahan ito ng award-winning actress na si Julia Montes.
Unang umere sa Nippon TV noong 2010, ang Mother ay ang most exported scripted format sa Asya matapos pumatok sa buong mundo ang kwento nito tungkol sa pagmamahal at pamilya.
Ang Pilipinas ang ikasampung bansang gagawa ng sariling bersyon nito kasunod ng Turkey, South Korea, Ukraine, Thailand, China, France, Spain, Saudi Arabia, at Mongolia.
“We’re very, very happy and excited to announce ABS-CBN Studios’ newest Dreamscape production ‘Saving Grace.’ This is the Philippine adaptation of ‘Mother’ that is created and produced by Nippon TV. This is our very first adaptation of a Nippon TV series and we are very grateful to Nippon TV for entrusting us with the rights for the Filipino version It’s a beautiful story that really centers around the importance of family and motherhood and promises to be a very emotionally engaging and heartwarming series that will deeply resonate with the Filipino audience and the non-Filipino audiences worldwide,” sabi ni ABS-CBN chief operating officer na si Cory Vidanes.
“As we celebrate our landmark tenth international deal for ‘Mother,’ we are delighted to be announcing this adaptation with ABS-CBN. ‘Mother’ is truly a beautiful story and we are confident that the Filipino audience is going to love it. Best wishes to the cast and crew,” sabi naman nina Yuki Akehi at Sally Yamamoto mula sa Content Business ng Nippon TV.
Si Julia ang magsisilbing eleventh ‘mother’ na magbibigay-buhay sa isang napakahalagang karakter na sigurado umanong aantig sa mga puso ng mga manonood at mag-iiwan din ng importanteng mga aral.
- Latest