Pabor kay Xian Lim ang sagot ni Direk Mark Reyes tungkol sa totoong attitude ng actor sa trabaho.
Natanong nga namin si Direk Mark kung paanong katrabaho si Xian sa pelikulang Playtime.
May mga intrigang kesyo difficult katrabaho ang actor.
Wala siyang mga demand?
“Wala, wala, ‘Yung some changes lang in schedule but you’ll understand it kasi nga, ‘Direk can we do this kasi meron akong mediacon for Love. Die. Repeat.’ There’s a reason why we had to schedule but other than that, wala,” bungad Direk Mark pagkatapos ng presscon ng Playtime last Saturday.
So hindi siya nakikialam sa mga eksena? Or nagpapapalit siya ng dialogue? “No, no. Kung meron man it’s, ‘Direk can I say this kasi I feel comfortable, parang mga ganon.’ It’s a natural flow lang. Ang daming very collaborative ‘yung ano namin. Iyong sinasabi ni Sanya (Lopez) hindi niya makwento kasi punchline ‘yun na siya ang nag-isip eh, na nung nilagay ‘yun tawang-tawa kami na ang ganda. It’s in the context of the ano eh...,” dagdag ng direktor ng pelikula na showing na sa June 12.
Aside from Xian and Sanya Lopez, starring din sa Playtime sina Coleen Garcia and Faye Lorenzo.
Umiikot ito sa tatlong babae mula sa magkakaibang mundo na nahanap ang mga sarili sa iisang sitwasyon.
Suspense-thriller ang Playtime na collaboration ng GMA Pictures and Viva Films.
Pero dahil sa kuwento, may mga sexy scene.
Sino ang pinaka-sexy? Kaninong character?
“They have their all level of sexiness. Like si Sanya we had a rain scene so she was wet wearing the camisa de chino and then, si Coleen was taking advantage of Xian so naka-bra lang siya.
“Si Faye rin naka-bra lang din sa eksena nila ni Xian with a lot of kissing in the film as far as that. But believe me after you watch it, you will be not talking about the sexy scene you’ll be talking about the story and how it was done, ‘yun na ang pag-uusapan,” sabi pa ni Direk Mark.
Hindi rin aniya ito the usual feel good movie or rom-com.
“It’s a sexy suspense thriller. If you want something na will make you faint and you will cheer for the characters to win against the bad guy, then this is the kind of movie for you. It’s not a rom-com, it’s not a romance. This is really thrilling and exciting. Maraming gulat moments.”
Then why are you suddenly in the dark zone?
“Gusto ko naman gumawa ng something na medyo papawisan at magagalit ‘yung mga La Salle Brothers sa akin.”
Na out of the box din?
“I could’ve gone really crazy with this one and show skin, pero it wasn’t needed. And then, kasi nga we’re aiming for an R-16 rating eh. ‘Yun nga. So that’s why we couldn’t really go too sexy. Pero the sexiness is there.”
Ang Playtime ang kauna-unahang big screen project nina Sanya at Xian.
Sinabi ni Sanya na ang pelikula ay nagpapakita ng ibang side niya at ng kanyang mga co-actor.
“Marami kaming ginawa rito na lahat kami first time naming gawin. It’s one of those suspense thrillers na kakaiba sa the usual na napapanood ninyo. Mayroon ako ritong ginawa na first time n’yong makikita,” shared the Sparkle actress.
“Kaming tatlo kasi iba-iba ang character namin at iba-iba rin ang kuwento namin. Kaya sana abangan n’yo kasi exciting, sobrang suspense. Sana maramdaman ninyo kung ga’no kami hiningal at nahirapan sa kuwento,” she added.
Samantala, ibinaba naman ni Xian ang kanyang paghahanda para sa kanyang role.
“Physically, I was bulking up for this. When they offer me the role, sabi nga nila na si Lucas, my character, will be after the three girls. Sabi ko ah, maybe, I should veer away from the parang boy next door, loving son, romantic lead image, and move into like a big guy, ‘di ba? little bit of muscle mass for this. Mentally, pumapasok lang sa mindset na naglalaro ka nang psychopath, so medyo mahirap, pero kinaya naman,” sabi niya.
Ang kapwa Viva artist ni Xian na si Coleen ay nagpahayag din ng kanyang pananabik sa pagiging bahagi ng pinakabagong pelikula mula sa GMA Pictures at Viva Films.
“Lahat ng characters, talagang interesting. Sobrang nakakakilig, sobrang suspense. Hindi mo mahuhulaan kung ano ang mangyayari,” pagbabahagi ni Coleen.
“Sa tingin ko, [para] sa aming lahat – ang mga artista sa pelikulang ito – ito ay bago para sa amin, lahat ng aming ginawa [ay bago],” dagdag pa ng misis ni Billy Crawford.
Gaya ni Xian, siniguro rin ni Faye na physically and mentally ready siya para sa karakter niya bilang si Patricia.
“Syempre, unang-una, workout. Kasi medyo may pa-skin kami dito eh. And syempre, inaral ko ‘yung character. Unang-una binasa ko ‘yung script, and then inaral ko ‘yung character,” sambit pa niya.
Mag-uumpisa itong mapanood sa mga sinehan sa June 12.