When Magic Hurts, nakuha ang sikat na kantang Got To Believe...
Lisensyado ang iconic song na Got to Believe in Magic sa pelikulang When Magic Hurts ng Polyeast Records.
Ang pelikula na directed by Gabby Ramos, starring Beaver Magtalas, Mutya Orquia, and Maxine Trinidad, with Claudine Barretto and Dennis Padilla, among others, for Rems Entertainment ay malapit nang ipalabas sa mga sinehan.
Kinanta ito ng up and coming singer na si Cedric Escobar, na artist ng Polyeast.
Ayon kay Direk Gabby, mapapanood sa music video ng Got to Believe in Magic ang ilang eksena mula sa When Magic Hurts, na nag-shoot sa magandang lugar ng Atok, Benquet.
Maaalalang ang pelikulang Got to Believe ang isa sa mga pelikulang pinagtambalan nina Rico Yan at Claudine Barretto na kumita ng malaki sa takilya.
May special role sa When Magic Hurts si Claudine.
Story and concept by Angel Gwenavere ang pelikulang ito na muling maririnig ang nasabing sikat na kanta.
Inspiration aniya ng pelikula ang pocket book story years ago. Kaya talaga raw inilaban Angel ang nasabing kanta para maging theme song ng pelikula nila.
Sa umpisa raw ng negotiation ay hindi nila afford ang copyright charge ng kanta, pero nakuha nila sa dasal.
Anyway, ang ganda ng Atok, base sa mga napanood kong trailer sa pelikula.
Ayon kay Direk Gabby, ang original plan nila ay sa abroad i-shoot ang When Magic Hurts pero nung nakita raw nila ang Atok ay agad-agad siyang nag-decide at ang production ng Rems na doon na lang gawin ang kabuuan ng pelikula.
True enough ang ganda ng cinematography nito na bumagay talaga sa kuwento.
Mel, ‘di makalimutan si Mike
Naka-20 years na pala ang 24 Oras, ang top-rating flagship newscast ng GMA 7.
Airing weeknights at 6:30 p.m., 24 Oras is anchored by award-winning broadcast journalists Mel Tiangco, Vicky Morales, and Emil Sumangil.
Napapanood din dito sina Iya Villana-Arellano (Chika Minute), Kuya Kim Atienza (#KuyaKimAnoNa), and Martin Javier (Game Changer).
“As 24 Oras celebrates two decades of delivering the news with integrity and dedication, the men and women of GMA Integrated News remain steadfast and true to our mission and calling: ‘Mas malaking misyon, mas malawak na paglilingkod sa bayan!’ In the midst of the changing times, 24 Oras will continue to strive to be the ‘News Authority ng Filipino,’” saad ni Senior Vice President for Integrated News, Regional TV, and Synergy Oliver Victor B. Amoroso.
Upang simulan ang pagdiriwang ng kanilang anniversary, dinala ng 24 Oras ang mga manonood sa isang paglalakbay sa memory lane noong Marso 15, umpisa petsa ng unang broadcast ng programa eksaktong 20 taon na ang nakakaraan.
Bilang isa sa mga pioneer anchor, inalala ni Mel kung gaano ang kaba niya noong nang malamang makakatrabaho niya ang yumaong si Mike Enriquez para sa pinakabagong newscast ng Network noon.
“Naku! Nung nalaman ko na si Mike Enriquez ang magiging ka-partner ko, hala! Kumakabog, kabog, kabog!” pag-alala niya.
Both Mel and Mike were previously at the helm of two separate newscasts back then: Mel for Frontpage: Ulat ni Mel Tiangco and Mike for the late-night newscast Saksi.
The idea to have Mel and Mike lead a new news program came from GMA Network Chairman Atty. Felipe L. Gozon.
Ngayon ay hindi na lang basta pagbabalita ang napapanood sa programa.
Congrats, 24 Oras.
- Latest
