ChrisGlad, walang nararamdamang sawa!

Sure ako na tuwang-tuwa sila Gladys Reyes at Christopher Roxas sa write-up mo Salve tungkol sa kanilang 20th wedding anniversary nila na isinabay nila ang celebration sa 18th birthday ng panganay nilang si Christophe.

Talaga naman kasing commendable ang naging pagsasama nila Gladys at Christopher at pagpapalaki ng kanilang mga anak nila.

Tahimik at wala kang narinig na gulo sa kanilang buhay mag-asawa.

Patuloy lang sila sa paggawa ng mga bagay na feeling nila makatutulong sa kanilang buhay.

Very focus si Gladys sa kung anuman ang ginagawa niya sa showbiz at sa pamilya. Kaya siguro maayos ang patakbo niya hindi lang sa kanyang career kundi sa marriage rin niya at sa pagiging mother niya.

Sana nga patuloy na maging ganito ang pagsasama nila, isang ideal na example na gustong tularan ng lahat ng mag-asawa.

Saka palagay ko, walang competition sa kanilang mag-asawa hindi tulad nung iba na para bang pareho na halos ang ginagawalan.

Sila kasi, si Christopher sa negosyo nakatutok habang si Gladys andyan lagi para tulungan ang mister habang nagso-showbiz.

Kaya talagang ideal ang pagsasama nila kahit na nga 31 years na silang magkasama ay wala silang nararamdamang sawaan sa isa’t isa.

Congrats Gladys and Christopher, may you have more years of celebrations and love in your life. Bongga.