Piolo, tanggap na ayaw na ulit siyang katrabaho ni Juday   

Si Kathryn Bernardo ang no. 1 sa bucket list ni Piolo Pascual na gusto niyang makatrabaho sa isang proyekto.

 “Top of mind, Kathryn Bernardo. We belong to one management, kaming dalawa ay minamanange ni Tita Lulu (Romero), I have high respects for her work ethic saka ‘yung professionalism niya,” saad ni Piolo sa panayam sa kanya ng ABS-CBN.

Pangalawa niyang binanggit ay si Megastar Sharon Cuneta.

“There’s another one, si Mega. Sharon Cuneta. I haven’t worked with her,” he said.

At kung meron naman daw aktres na gusto niyang makatrabaho ulit , ito ay walang iba kundi ang dati niyang ka-loveteam na si Judy Ann Santos.  “And then, if there’s one person that I’ve worked with that I want to work with again, Juday. I’ve always expressed my interest,” sey ni Papa P.

‘Yun nga lang, mukhang malabo silang magkaroon ng reunion project ni Juday dahil ayaw raw ng aktres.

 “Wala eh. Ayaw ni Juday, so okay lang din. Pero sabi ko, should there be a time na mag-open siya, sabi ko yeah of course,” sey pa ng aktor. 

Alexa, nagulat sa galit ni KD

Maging si Alexa Ilacad ay nagulat sa matapang na pagdepensa sa kanya ng ka-loveteam na si KD Estrada laban sa kanyang bashers.

Matatandaang kamakailan ay nag-post si KD sa kanyang X account at ng open letter sa fandom na umaatake sa taong kanyang minamahal.

“Your team CONSTANTLY bashes Alexa who I genuinely care about, which to some of you can’t seem to wrap your head around.

“I have let your hate and criticism towards me slide, I take that. But I cannot allow this ‘fandom’ who claims to ‘support’ me bash the family and person I love,” bahagi ng open letter ni KD.

Sa Magandang Buhay guesting ng KDLex kahapon ay pinuri-puri ng hosts si KD sa pagtatanggol na ginawa nito kay Alexa at hiningan ng reaksyon ang aktres.

“Actually po sa totoo lang nagulat po ako noon. Kasi I remember that moment, magka-text pa kami ni KD, nagtatawanan pa kami. For a brief moment hindi na siya nag-reply,” kwento ni Alexa.

“Sabi ko, ‘hello, hello nandiyan ka pa ba?’ Tapos biglang ‘yung mga sagot niya, ‘I’m so mad’ ganyan. Naggaganun na siya. Tapos sabi ko, ‘What’s happening?’ Tapos sinabi nga niya, ‘they’re doing this to you,’” patuloy niya.

Siya raw kasi ay hindi na niya nakikita or nababasa ang bashings sa kanya dahil naka-block na raw ang mga taong nagbibigay ng kanegahan sa buhay niya.

“Ako po kasi, sabi ko 2024, I choose to set boun­daries myself and I will not allow anyone else to destroy the peace that I’m making for myself in my life.

“So ‘yung mga ayaw ko na makita ay naka-mute, naka-block, naka-unfollow, everything. So hindi ko nakikita na may ganun na pa lang nangyayari,” aniya.

“Tapos sabi ko sa kanya huwag na siyang magsalita or ma-stress. Pero kilala ko ito, kapag may gusto siyang gawin especially if it involves me, hindi mo siya mapipigilan. So sabi ko I am scared that you may face backlash if you speak up,” sabi pa ni Alexa.

Sabi naman ni KD, “para sa akin naman, ‘yung backlash against me, it’s fine, but if it towards you, I can’t let that happen.”

Kinilig ang momshies na host ng Magandang Buhay sa sinabi ni KD.

Ayon pa kay KD, kailangan daw talaga minsan na mag-set ng boundaries.

“Para sa akin din naman po kasi even in real life kailangan din po natin i-set ‘yung boundaries. Para sa akin when you step over a boundary, that means you are either attacking someone who is very close to me personally.

“Kasi si Alexa for me is hindi na siya work. I don’t consider being with Alexa as work. I consider her as someone who I have a close connection to, parang family. She feels so much like family. And when you hurt my family or when you try to attack my family, I will really defend talaga po,” sey ni KD.