Bea, inaming mahilig sa sexy movies si Dominic!

‘Kaaliw ang pambubuking ni Bea Alonzo sa fiancé na si Dominic Roque na may Vivamax app daw ito sa TV nito.

Guest ang aktres sa Luis Listens vlog ni Luis Manzano kung saan ay sumalang siya sa isang lie detector test.

Sa mga hindi nakakaalam ay si Bea ang madalas gumawa ng lie detector challenge sa mga guest niya sa kanyang vlog kaya naman ibinalik lang sa kanya ni Luis ang hamon.

Isa sa natanong sa aktres ay kung nag-e-enjoy ba ito na manood ng sexy movies with Dominic.

“Sexy movies or porn?” natatawang tanong ni Bea.

Sabi naman ni Luis, sagutin niya na lang ito pareho.

Isa pang itinanong ni Luis sa aktres ay kung nasubukan na ba niya ang manood o nakapanood na ba siya ng mga palabas sa Vivamax na kilala sa pagpapalabas sa sexy movies.

“Hindi pa ako nakapanood. Pero may Vivamax si Dom na app, sabi ko ‘Bakit may Vivamax ka?’” natatawang sagot ni Bea.

Tumatawa ring sagot ni Luis, “Baka na-download lang!”

Giit ni Bea, “Meron talaga siya, sabi niya su-support daw niya si Marco Gumabao doon sa movie niya with Kylie Verzosa.”

Dagdag pa ng aktres, “Dapat ba magalit ako?”

Sabi naman ni Luis,  “Okay Dom. Support lang nang support kay Marco!”

Kwento pa ni Bea, “‘Di ba sa TV maraming streaming apps. Like, meron siyang Disney, meron siyang Netflix, meron siyang Viu, tapos kasama ‘yong Vivamax, sabi ko ‘Bakit may Vivamax ka diyan?”

Pati ang netizens ay aliw na aliw sa sinabi ni Bea at naintindihan naman nila si Dom kung nanoood man ng sexy movies bilang lalaki naman ito.

Julia at Liza, damay sa pag-unfollow ni Kathryn kay Daniel!

Tila desidido na talaga sa pagmo-move on si Kathryn Bernardo sa breakup nila ni Daniel Padilla dahil in-unfollow na niya ang ex-boyfriend sa Instagram.

Hindi nakaligtas sa paningin ng fans and netizens ang move na ito ni Kathryn at sari-sari ang kanilang naging reaksyon.

Marami ang nalungkot especially ang mga umaasang die-hard KathNiel fans na magkakabalikan pa ang dalawa.

Pero marami rin naman ang sumusuporta sa ginawa ng aktres lalo na ang concerned fans na hangad ang kaligayahan ng kanilang idolo. Marahil daw kasi ay parte ito ng healing process ng aktres.

Matatandaang isang buwan na ang nakalilipas simula nang kumpirmahin ng KathNiel ang kanilang breakup.

Samantala, napansin din ng netizens na hindi lang si Daniel ang in-unfollow ni Kath kundi pati sina Julia Barretto, Liza Soberano and Gillian Vicencio.

Hindi na nagtaka ang fans kung bakit in-unfollow ni Kath si Gillian dahil alam naman nating lahat na na-link ito kay DJ.

Si Liza and Julia ang pinagtatakhan ng marami kung bakit nadamay gayung wala naman silang issue with Kath.

Ang speculation na lang ng fans, hindi naman din kasi close si Kath kina Julia and Liza to begin with.