Mga celeb, ‘di ininda ang pagod sa MMFF Parade of Stars

MANILA, Philippines — Talagang kahit pa anong sabihin mo excited pa rin ang mga tao sa Parade of Stars na ginanap.

Talagang puno ang kalye ng mga taong naghintay para makita ang mga artistang kasali sa festival.

Hindi naman sila nabigo dahil puno ng energy kahit pa nga tanghali ang mga artista na mukhang ang saya-saya sa kanilang floats.

Talagang nagtiyaga lahat ng tao na tumayo sa kalsada at sumigaw tuwing may dumaraan float sa nakikita nilang mga artista. Kaya naman sulit din ang naging pagod ng mga artista na sumama sa parada dahil nadama nila na hanggang ngayon mahal pa rin sila ng mga tao.

Hindi nga nila ininda ang pagod at kaway nang kaway sa mga tao at hindi nawala ang mga ngiti sa labi.

Sana nga ay lumabas silang lahat at manood ng mga kasaling entries na mukha namang magaganda lahat. Kaya naman buo pa rin ang tiwala ng producers na magiging maganda ang resulta ng takilya.

Iyon naman ang dasal ng lahat para mabalik na ang sigla ng showbiz. Sana nga ito na ang maging hudyat, mag-umpisa na uli ang pag-produce ng maraming pelikula.

Please watch all the entries, help our showbiz industry. Bongga.