Carmina at Kyline, nagpapatamaan

Sino ang pinatatamaan ni Kyline Alcantara sa cryptic post niya tungkol sa peace o katahimikan? Si Mavy Legapi at nanay niyang si Carmina Villarroel?

Kumalat kasi nitong nakaraang mga araw ang balitang hiwalay na sina Kyline at Mavy. May isyu pa umano na pisikalan kapag sila ay nag-aaway, huh!

Idagdag sa listahan ng hiwalayang artista sina Kyline at Mavvy na hindi pa naman nagsasalita. Basta si Kyline, nag-post ng litrato ng motor na Ducati na tila ready na siyang magpaandar ng motor, huh!

Ang mga star na balitang naghiwalay na pero wala pang kumpirmasyon mula sa kanila ay sina Kathryn Bernardo at Daniel Padilla; Richard Gutierrez at Sarah Lahbati; at Kim Chiu at Xian Lim.

Naku, kung totoo, kasama na sila sa grupo ng SMP na Samahan ng Malalamig ang Pasko!

Daryl Yap, ididirek ang Kim/Gerald reunion movie

Kinumpirma na director Daryl Yap na siya ang magdidirek sa reunion movie nina Kim Chui at Gerald Anderson para sa Viva Films. Isa ito sa ilang projects na kanyang gagawin sa bagong kontrata niya sa Viva.

Pero hindi na nagsalita si direk Daryl kung siya ang magdidirek ng movie ni Vilma Santos sa Viva, huh!

Bastang coming offering ni Yap ay ang Viva movie na Para Kang Papa Mo na pagbibidahan ng dalawang members ng dating Guwaping na sina Mark Anthony Fernandez at Jao Mapa.

Kasama rin sa movie si Nikko Natividad na bading ang role niya. Showing ang Para Kang Papa Mo in cinemas sa December 13.