Claudine, nakaramdam ng nerbyos

MANILA, Philippines — Ang bongga naman ni Claudine Barretto na nagsisimula na sa kanyang comeback series na Lovers/Liars.

Sabik na raw ang tiyahin ni Julia Barretto pero may halong nerbyos daw siyang nararamdaman sa kanyang pagbabalik.

Naiibahan na rin daw siya ngayon kumpara noon. “Parang ibang-iba na rin talaga from before,” sey ng kapatid nina Marjorie at Gretchen.

Gaganap pala siyang successful corporate woman na mai-in love sa mas bata sa kanyang lalake.

Siguradong excited na ang mga tagahanga niya sa serye niyang ito dahil matagal-tagal din nilang hinintay ito na noong 2011 pa ang huli niyang serye sa GMA Telebabad na Iglot.

Lutang din ang ganda ng veteran actress lalo na ngayong bumalik na ulit ang kaseksihan niya.

Ibinahagi naman niya ang pagsorpresa sa kanya sa first day niya sa set ng kanyang mga anak na sina Sabina at Santino at pinasalamatan niya ang mga ito.