MANILA, Philippines — Nauna nang in-announce ang playdate ng first Hollywood movie ni Liza Soberano next year.
Malulungkot na sana ang fans ni Liza sa kasunod na balitang wala pang kumpirmasyon kung maipalalabas dito ang nasabing pelikula, pero may kasunod agad na balitang nagpabalik sa saya ng fans.
“Focus is distributing Lisa Frankenstein in the US., with Universal Pictures International handling distribution in the rest of the world.”
Kasama raw ang Pilipinas sa worldwide distribution ng Universal Pictures International, kaya maipalalabas dito ang pelikula. Hindi lang fans ni Liza ang masaya, pati ang non-fans at may nakiusap na nga to stop the hate and toxicity at suportahan na lang si Liza na siyang dapat.
Nabanggit pala nito sa isang interview na magta-try muna siya ng kanyang showbiz career sa Korea, with this good news, balik siguro ang focus niya sa career niya sa Hollywood.
Barbie at David, lihim ang biyahe sa Hong Kong
Hindi pa rin nababanggit ang rason sa paglipad nina Barbie Forteza at David Licauco pa-Hong Kong last Saturday, Oct. 14. Hindi naman siguro biglaan ‘yun dahil sa puno na schedule ng dalawa, hindi puwede ang mga biglaang lakad at kailangang i-schedule.
Ang fans nina Barbie at David ang nagulat sa bigla nilang paglipad pa-Hong Kong. Nakita na lang sila sa NAIA at paalis na at makikitang kasama nila ang handler at kasama rin ni David ang stylist niya. May isa pa silang kasama na parang photographer ang datingan.
Kanya-kanya munang hula ang BarDa fans kung ano ang ipinunta nina Barbie at David sa Hong Kong, baka raw photo shoot for a magazine o para sa print ad nilang dalawa. Pero, mas maganda kung maghintay na lang sila sa susunod na balita.
Samantala, last three weeks na lang ng Maging Sino Ka Man o MSKM at mali ang tsikang kaya mabilis natapos ang series dahil walang nanonood. Bago pa man ang premiere ng series, ipinaalam na ng GMA 7 na limited series lang ito, tatakbo ng eight weeks at 40 episodes lang. Filler ito sa Black Rider na papalit sa MSKM.