Piolo, hanggang braso lang ang kayang hawakan kay Shaina

Spotted lang at hindi sinabing magka-date sina Piolo Pascual at Shaina Magdayao sa ABS-CBN Ball 2023. Solo yatang dumating si Piolo sa venue at hindi rumampa sa red carpet, nakita na lang siya sa loob ng ballroom at may picture pa nga sila nina Jericho Rosales at Diether Ocampo.

Ang maganda, hindi dinisappoint nina Piolo at Shaina ang fans na waiting makita silang magkasama at kinilig pa nga ang fans. Sa larawan, makikita ang mahigpit na pagkakahawak ni Piolo sa right arm ni Shaina, ‘yung hawak na ayaw pakawalan.

Mababasa ang mga comment na sana sina Piolo at Shaina na talaga at may payo pa ang netizens kay Piolo na ‘wag paglaruan ang puso ni Shaina.

Mabait, simple at maganda raw si Shaina para paglaruan lang.

Sagot ng isa pang netizen, walang label ang relasyon ng dalawa and for 12 years, wala pa raw inamin ang dalawa. Hirit naman ng isa, wala ngang label pero, obvious na enjoy silang magkasama. Bakit hindi pa raw nila gawing formal ang kanilang relasyon.

May nagtanong naman kung bakit sa braso at hindi sa kamay ang hawak ni Piolo kay Shaina?

Lotlot at Jackie Lou, ‘di inungkat ang nakaraan

Sa mediacon at trailer launch ng movie na Five Break-Ups and A Romance lang namin naisip na magkasama sa pelikula ang former maghipag na sina Jackie Lou Blanco at Lotlot de Leon. Wala naman sigurong bad blood sa kanila at matagal na rin namang hiwalay sina Lotlot at Ramon Christopher at nakapag-move on na sina Jackie Lou at Lotlot sa paghihiwalay nina Lotlot at Monching.

Sa kuwento ni Jackie Lou, sila ni Carlos Siguion-Reyna ang gumaganap na parents ni Alden Richards, they are both successful doctors at gusto sana nilang maging magaling na doctor din si Lance (Alden).

Hindi namin narinig ang sinabi ni Lotlot sa role niya sa movie, and narinig namin ay ang pasasalamat niya na makasama sa cast ng nasabing pelikula na showing na sa Oct. 18 nationwide.

“To be surrounded by genuine and talented people is such a blessing. Grateful in many ways,” ayon kay Lotlot.

Happy naman si Jackie na muling makatrabaho si Alden and always a pleasure for her to be working with the actor. Actually, ang buong cast nagpahayag ng pasasalamat to be working with Alden and Julia Montes at Director Irene Villamor, lalo na ‘yung ngayon lang nila naging director si Irene.

Dominic, pare-pareho ang travel outfit

Pati damit na suot at isinusuot ni Dominic Roque, pinansin na ng netizen. Tanong nila kay Dominic, bakit parang pare-pareho lang ang suot niya sa mga travel nila ni Bea Alonzo? Kung gaano raw kadalas magpalit ng OOTD si Bea, siya namang kadalang mag-change outfit ni Dominic.

Napansin ng netizen na tila iisa o dalawang kulay lang ng t-shirt ang suot nito, kundi blue ay black at inisip siguro ng netizen na walang ibang damit ang fiance ni Bea. Hindi nito naisip na baka gaya si Dominic kay Director Paul Soriano na madalas itim ang suot, t-shirt man o polo.